"სამართლიანი არჩენები" სოციალურ ქსელში წერს, რომ დიდი ბრიტანეთის მიერ დასაქნცირებული ტელეკომპანიები "იმედი" და "პოს ტვ" ფეისბუქზე ახალი გვერდების გახსნასა და მათი მეშვეობით კონტენტის რეკლამირებას ცდილობენ.

"სამართლიანმა არჩევნებმა" გამოავლინა "პოს ტვ"-ის 2 ახალი გვერდი, რომლებიც სანქციების დაწესების შემდეგ, მარტში შეიქმნა და ფეისბუქზე რეკლამებს ათავსებდა. მათივე ინფორმაციით, 3 მარტს, შეიქმნა ფეისბუქგვერდი "იმედის მხარდამჭერებიც."

"24 თებერვალს გაერთიანებულმა სამეფომ ქართულ ტელეკომპანიებს, "იმედსა" და "პოს ტვ"-ს სანქციები დაუწესა, რის გამოც, ამ მედია ორგანიზაციებს, სხვა პრობლემებთან ერთად, Meta-ს სოციალური ქსელების პლატფორმებზე საკუთარი კონტენტის დასპონსორების/რეკლამირების შეზღუდვაც წარმოეშვათ. "სამართლიანი არჩევნების" დაკვირვებით, ამ შეზღუდვებზე საპასუხოდ, ორივე ტელეკომპანია ფეისბუქზე ახალი გვერდების გახსნასა და მათი მეშვეობით კონტენტის რეკლამირებას ცდილობს.

"სამართლიანმა არჩევნებმა" გამოავლინა "პოს ტვ"-ის 2 ახალი გვერდი, რომლებიც სანქციების დაწესების შემდეგ, მარტში შეიქმნა და ფეისბუქზე რეკლამებს ათავსებდა. ამ გვერდებმა პოლიტიკური რეკლამის განთავსების უფლება 4 მარტს მიიღეს და ყველა რეკლამა მომდევნო 2 დღის განმავლობაში გამოაქვეყნეს. აღსანიშნავია, რომ ორივე გვერდს რეკლამების ბიბლიოთეკის შენიშვნაში (ე.წ. "დისქლეიმერში") იდენტური საკონტაქტო ინფორმაცია აქვს მითითებული.

"პოს ტვ"-ის მსგავსად, აუდიტორიის მოზიდვისთვის ფეისბუქზე რეკლამების გამოყენების სხვადასხვა შესაძლებლობებს ეძებს "იმედიც". მის მთავარ გვერდებზე რეკლამების შეწყვეტის შემდეგ, 3 მარტს, შეიქმნა ფეისბუქგვერდი "იმედის მხარდამჭერები." გვერდმა Meta-ზე რეკლამების განთავსების შესაძლებლობა 5 მარტს მიიღო და იმ დღესვე დაასპონსორა ვიდეო", — დაწერა ISFED-მა

დამატებითი ინფორმაცია იხილეთ აქ.