საქართველოს მართლმადიდებელი ეკლესიის სინოდის გადაწყვეტილებით, ბორჯომ-ბაკურიანის ყოფილ მიტროპოლიტს, სერაფიმე ჯოჯუას მღვდელმოქმედების უფლება აღუდგა და მამათა მონასტერში გამწესდა. სერაფიმე ჯოჯუას საქართველოს საპატრიარქოდან ყოველთვიური ფინანსური დახმარებაც დაენიშნა.

სერაფიმე ჯოჯუამ ბორჯომში 2016 წლიდან აღარ მსახურობს. მართლმადიდებელი ეკლესიის მრევლის ნაწილი მიტროპოლიტ სერაფიმე ჯოჯუას არასრულწლოვანთან სექსის მცდელობაში ადანაშაულებს, მეორე ნაწილი კი დარწმუნებულია მიტროპოლიტის უდანაშაულობაში. სკანდალის შემდეგ, სერაფიმე ჯოჯუა გერმანიისა და ავსტრიის ეპარქიაში გადაიყვანეს და მმართველად დანიშნეს, რასაც აღნიშნული ეპარქიის სამღვდელოებისა და მრევლის პროტესტი მოჰყვა. საბოლოოდ მიტროპოლიტმა გერმანიაში გამგზავრებაზე უარი თქვა.