ბექას სკოლა, რომელიც წლებია ინგლისური ენის სწავლების სფეროში ერთ-ერთ ლიდერად და ნოვატორად ითვლება, ტრადიციულ მეთოდებს ხელოვნურ ინტელექტთან სინთეზში იყენებს. სკოლა, რომელიც ყოველთვის გამოირჩეოდა სწავლების თანამედროვე სტანდარტებითა და შედეგზე ორიენტირებული მიდგომით, კიდევ უფრო ვითარდება. ამჯერად, სკოლის ადმინისტრაციის განცხადებით, სასწავლო პროცესში სრულად ინტეგრირდა პრემიუმ კლასის აპლიკაცია Talkpal, რაც სტუდენტებისთვის ენობრივი ბარიერის დაძლევისა და პრაქტიკის ნაკლებობის პრობლემის გადაჭრას ისახავს მიზნად.

ენის სწავლების მთავარი გამოწვევა

ენის შემსწავლელებისთვის პრაქტიკის ნაკლებობა კარგად ნაცნობი პრობლემაა. როგორც სპეციალისტები აღნიშნავენ, სტუდენტები ხშირად ფლობენ თეორიულ ცოდნას, თუმცა რეალურ ცხოვრებაში კომუნიკაცია უჭირთ, რადგან ყოველდღიურობაში ინგლისურენოვანი გარემო არ აქვთ. ამას ემატება შეცდომის დაშვების შიში და სხვების მხრიდან განსჯის მოლოდინი.

სწორედ ამ პრობლემის მოსაგვარებლად, ბექას სკოლამ გადაწყვიტა, ტექნოლოგიური პროგრესი განათლების სამსახურში ჩაეყენებინა.

ვირტუალური მენტორი, რომელიც არასდროს იღლება

ახალი ინიციატივის ფარგლებში, სკოლის ყველა მოსწავლეს აქვს წვდომა პერსონალურ AI მენტორზე. ეს აპლიკაცია ფაქტობრივად პირადი დამხმარის ფუნქციას ითავსებს, რომელიც კომუნიკაციისთვის ყოველთვის მზადაა. AI არასდროს იღლება მოსმენით და არ ეზარება შეცდომების გასწორება. რაც ყველაზე მთავარია, ხელოვნური ინტელექტი არასდროს განსჯის მოსწავლეს შეცდომის გამო. პირიქით, ის მეგობრულად მიუთითებს ხარვეზებზე და სთავაზობს ვარიანტებს, თუ როგორ შეიძლება იმავე აზრის უფრო გამართულად და ლამაზად ჩამოყალიბება. ამგვარ გარემოში სრულიად ქრება სირცხვილის შეგრძნება და შეცდომის დაშვების შიში. სტუდენტს შეუძლია ერთი და იგივე წინადადება ათჯერ გაიმეოროს, ვიდრე სასურველ შედეგს არ მიაღწევს. დამატებით კომფორტს ქმნის ისიც, რომ მოსაუბრეს ძალიან ბუნებრივი, სანდომიანი ხმა აქვს და არ ტოვებს რობოტთან საუბრის განცდას.

პროგრესის უზრუნველსაყოფად აპლიკაცია ექვს განსხვავებულ რეჟიმს აერთიანებს:

• ჩათისა და სატელეფონო ზარის რეჟიმები თავისუფალი, ყოველდღიური საუბრებისთვისაა განკუთვნილი.
• როლური თამაშები მოსწავლეს რეალური ცხოვრებისეული სიტუაციებისთვის ამზადებს, როგორებიცაა, მაგალითად, საჭმლის შეკვეთა რესტორანში, მეგობართან კამათი, ადამიანის გაცნობა ონლაინ.
• დებატების რეჟიმი კრიტიკულ აზროვნებასა და არგუმენტირებული კამათის უნარს ავითარებს.
• პერსონაჟების რეჟიმით შესაძლებელია ისტორიულ ფიგურებთან ან გამოგონილ გმირებთან საუბარი. მაგალითად, შეგიძლია სოკრატეს ფილოსოფიაზე ესაუბრო ინგლისურად, ილონ მასკს კი, მარსზე გაფრენის შესაძლებლობაზე.
• ფოტო რეჟიმი საშუალებას გაძლევს ფოტოების აღწერით გაიმდიდრო ლექსიკური მარაგი.

როგორ მუშაობს AI ენის სწავლების მეთოდოლოგიაში?

ბექას სკოლის მიდგომა არ გულისხმობს მხოლოდ აპლიკაციაზე წვდომის ჩართვას სტუდენტებისთვის და ინდივიდუალურ საუბრის პრაქტიკას. ხელოვნური ინტელექტი გაკვეთილების ლოგიკური გაგრძელებაა. სასწავლო გეგმა ისეა აგებული, რომ საკლასო ოთახში მიღებული თეორია სახლში, AI-სთან სიმულაციებით მყარდება.

სკოლის დამფუძნებელი, ბექა ბერიკაშვილი, დეტალურად ხსნის, თუ როგორ მუშაობს ეს სისტემა პრაქტიკაში:

“წარმოიდგინე, მაგალითად, რომ დღეს გაკვეთილზე გავიარეთ მედიცინის თემატიკა და ვისწავლეთ სიტყვები და ფრაზები, რომლებიც ექიმთან ვიზიტის დროს შეიძლება გამოგვადგეს. სახლში მისვლისას, ნაცვლად იმისა, რომ სიტყვები უბრალოდ დაიზეპირო, შენ ხსნი აპლიკაციას, რთავ როლური თამაშების რეჟიმს და ირჩევ ექიმთან გასაუბრების როლურ თამაშს. შენ ირგებ პაციენტის როლს, AI კი ხდება ექიმი. შენ მას უყვები სიმპტომებზე, ის გისვამს კითხვებს, გინიშნავს წამლებს. შენ რეალურ დროში, ხმოვანი შეტყობინებებით გადიხარ რეპეტიციას იმ სიტუაციისა, რომელიც ხვალ შეიძლება ლონდონის ან ნიუ-იორკის კლინიკაში გამოგადგეს.

ან იქნებ გაკვეთილის თემა ბერძნული მითოლოგიაა. გადადიხარ პერსონაჟების რეჟიმში, ირჩევ ზევსს და პირდაპირ ოლიმპოს მთავარ ღმერთს ეკითხები, რას ერჩოდა საწყალ პრომეთეს. როცა ზევსს ეკამათები ინგლისურად, სიტყვები სულ სხვანაირად გამახსოვრდება.

შეიძლება გაკვეთილის თემა იყოს სოციალური მედია და აქ იმდენი საკამათო საკითხია, რომ ლოგიკურია, არ გეყოს მხოლოდ მასწავლებელთან გაკვეთილზე საუბარი ამ თემის გარშემო. სახლში მისული რთავ დებატების რეჟიმს და იწყებ კამათს თემაზე: უნდა აიკრძალოს თუ არა TikTok 16 წლამდე? AI მოგიყვანს არგუმენტებს, შენ კი უნდა გააბათილო ისინი. ასე სწავლობ არა მხოლოდ ენას, არამედ კრიტიკულ აზროვნებასაც.”

ცვლის თუ არა ტექნოლოგია მასწავლებელს?

მიუხედავად ტექნოლოგიური ნახტომისა, სკოლაში აცხადებენ, რომ მასწავლებლის როლი კვლავ შეუცვლელია.

“Talkpal არის დამხმარე ინსტრუმენტი და არა პედაგოგის ალტერნატივა. ჩვენი ქართველი და უცხოელი მასწავლებლები მოსწავლეებს აძლევენ ფუნდამენტურ ცოდნას და ამ ცოდნის პრაქტიკაში გამოყენების უნარებს. ხელოვნური ინტელექტი კი უზრუნველყოფს იმ უსასრულო პრაქტიკას, რომელიც ადამიანური რესურსით ფიზიკურად შეუძლებელია,” — აცხადებენ სკოლაში.

ახალი პროექტი უკვე დაწყებულია და ბექას სკოლის მოსწავლეები ინგლისურს უკვე თავიანთ ჯიბის მენტორებთან ერთად ეუფლებიან.