საერთაშორისო გამჭვირვალობა - საქართველოს კვლევის მიხედვით, 2014-2017 წლებში თბილისის მერიისა და მისი დაქვემდებარებული უწყებების 3 711 ტენდერიდან 494 ახალდაფუძნებულმა კომპანიებმა მოიგეს. ამ კომპანიებმა 24 ხელშეკრულება (4,9%) ვერ შეასრულეს.

კვლევაში ყურადღება გამახვილებულია პირდაპირი წესით გაფორმებულ ხელშეკრულებებზეც. ორგანიზაციამ აღმოაჩინა კონტრაქტები, რომლის შემთხვევაშიც ავანსის სახით თანხის ახალდაფუძნებულ კომპანიებთან 80-100 პროცენტის გადარიცხვას ითვალისწინებდა. მაგალითად, შპს ენკოსთან დადებული 703 ათასი ლარის ღირებულების ხელშეკრულება, შპს მანუფაქტურასთან დადებული 102 ათასი ლარის ღირებულების ხელშეკრულება და ა.შ.

2015-2016 წლებში გამარტივებული წესით დადებული ხელშეკრულებებიდან 12 შემთხვევაში (3,2 მილიონი ლარი) პირობები არ შესრულდა.

საერთაშორისო გამჭვირვალობა - საქართველოს მონაცემებით, ეს კომპანიები ტენდერის გამოცხადებამდე ერთ წელზე ნაკლებ დროში, ზოგიერთ შემთხვევაში კი - ტენდერის გამოცხადების შემდეგ დაარსდნენ.

საერთაშორისო გამჭვირვალობა - საქართველოს რეკომენდაციაა:

  • გათვალისწინებული უნდა იქნას ის რისკები, რაც თან ახლავს ახალი დაფუძნებული და სათანადო გამოცდილების არმქონე კომპანიების სახელმწიფო შესყიდვებში მონაწილეობას;
  • თავიდან უნდა იქნას არიდებული გამარტივებული შესყიდვის ხშირად გამოყენება, რათა დაიზოგოს საბიუჯეტო სახსრები და გამოირიცხოს კორუფციული რისკები. აუცილებელია, სათანადო ზედამხედველობა გამარტივებულ შესყიდვებზე.