სურსათის ეროვნული სააგენტოს ხელმძღვანელი ზურაბ ჩეკურაშვილი გარდაიცვალა. ამის შესახებ ინფორმაციას თავად სააგენტო ავრცელებს. მათი ცნობით, ზურაბ ჩეკურიშვილი სურსათის ეროვნული სააგენტოს 10 წელი ხელმძღვანელობდა.

"სურსათის ეროვნული სააგენტოს თანამშრომლები უდიდესი გულისტკივილით და ღრმა მწუხარებით იუწყებიან, რომ გარდაიცვალა სააგენტოს ხელმძღვანელი, ბატონი ზურაბ ჩეკურაშვილი — პროფესიონალიზმით, უდიდესი გამოცდილებით, ავტორიტეტითა და ადამიანური ღირსებებით გამორჩეული პიროვნება, რომელიც სააგენტოს 10-ზე მეტი წლის განმავლობაში ედგა სათავეში", — წერია გავრცელებულ განცხადებაში.

ზურაბ ჩეკურაშვილი სურსათის ეროვნული სააგენტოს უფროსად პირველად 2012 წელს დაინიშნა. მაშინ მან ამ პოსტზე 2 წელი დაყო. 2016 წელს ის მეორედ აირჩიეს სურსათის ეროვნული სააგენტოს ხელმძღვანელად. 2014 წლის 28 ნოემბრიდან 2016 წლის 8 აპრილამდე ის საქართველოს სოფლის მეურნეობის მინისტრის მრჩეველიი იყო.