წიგნები და შოპინგი, ერთი შეხედვით, სხვადასხვა სამყაროა, მაგრამ მათ ერთი მნიშვნელოვანი რამ აკავშირებს — შესაძლებლობა, ადამიანმა აღმოაჩინოს რაღაც ახალი და საკუთარ ცხოვრებაში შეიტანოს შთაგონება. დღეს, როდესაც ცხოვრების ტემპი სულ უფრო ჩქარდება, განსაკუთრებით მნიშვნელოვანია, რომ წიგნი ყველასთვის ხელმისაწვდომი და ხარისხიანი იყოს. სწორედ ამიტომ მოგიყვებით ახალი ფესტივალის შესახებ, რომელიც დაარსდა, როგორც კითხვის მოყვარულებისთვის, ისე მათთვის, ვინც ახლა ქმნის საკუთარ ბიბლიოთეკას, ან სურს კლასიკური თუ თანამედროვე, საუფროსო და საბავშვო საკითხავი ყველაზე ხელსაყრელი პირობებით შეიძინოს.

საკითხავის ფესტივალი გვპირდება გამორჩეულ გამოცდილებას წიგნისა და შოპინგის მოყვარულებისთვის. 31 ოქტომბრიდან 2 ნოემბრის ჩათვლით თბილისი მოლი მკითხველების ყურადღების ცენტრში აღმოჩნდება — აქ პირველად გაიმართება საკითხავის ფესტივალი, რომელსაც გამომცემლობა პალიტრა L სწორედ თავის დაბადების დღეზე გახსნის.

საკითხავის ფესტივალზე სტუმრებს ელოდება უამრავი სიურპრიზი:

• 30% ფასდაკლება ნებისმიერ შენაძენზე და დამატებით 30% ქეშბექი თიბისის ახალი თიბისი ბარათით, ახალი თიბისი კონცეპტ ბარათებით და ერთგული საკრედიტო ბარათით გადახდისას
• საჩუქარი ყოველ შენაძენზე
• განსხვავებული ჟანრისა და კატეგორიის წიგნების დიდი არჩევანი
• უნიკალური გათამაშებები, სადაც მონაწილეებს განსაკუთრებული პრიზების მოგების შანსი ექნებათ

თუ ახალ საკითხავს შენთვის ან მეგობრებისთვის არჩევ, ან გინდა ოჯახის წევრები თუ კოლეგები საუკეთესო საჩუქრით გაახარო, საკითხავის ფესტივალი ამისთვის იდეალური ადგილია. აქ შეგიძლია ყველაზე ხელმისაწვდომ ფასად შეიძინო თანამედროვე ქართველი თუ უცხოელი ავტორების რომანები, იპოვო საბავშვო გამოცემები, აღმოაჩინო მოზარდებისთვის შთამაგონებელი საკითხავი, ან აირჩიო არამხატვრული ლიტერატურა: ფსიქოლოგია, ისტორია, ბიზნესი, კარიერული განვითარება და სხვა პოპულარული მიმართულებები. საკითხავის ფესტივალი გაძლევს შანსს, შექმნა შენი ბიბლიოთეკა და წიგნი ისევ ყოველდღიურობის ბუნებრივ ნაწილად აქციო.

გამომცემლობის გვერდზე გაზიარებული კატალოგის დახმარებით რამდენიმე სავარაუდო კალათაც ავაწყვეთ, იმისთვის, რომ ცხადი წარმოდგენა შეგვექმნა, რის შეძენას შეძლებდით საკითხავის ფესტივალზე სულ რაღაც 25 ლარად.

1. თუ შთამბეჭდავი რომანის ახალი თარგმანით საკუთარი თავის განებივრებაც გინდათ და ახალ წიგნს თინეიჯერისა და მოზარდისთვისაც ეძებთ, საკითხავის ფესტივალზე (ჯამში 25 ლარად) შეიძენთ: ისააკ ბაშევის ზინგერის "მონას”, ჯერომ სელინჯერის კლასიკად ქცეულ რომანს "თამაში ჭვავის ყანაში“, და ბრიტანელი ავტორის, დევიდ უილიამსის ხალისიან და გამორჩეულ წიგნს 8-დან 12 წლამდე ასაკის მკითხველისთვის "ბანდიტი ბებია“.

2. თუ საკითხავს ყველაზე პატარებისთვის ეძებთ, "უცნაური კითხვები და პასუხები გარემოს დაცვაზე“ (3-დან 6 წლამდე პატარებისთვის) სათქვენო წიგნია, აქვეა ყველასთვის საყვარელი "პატარა პრინცის“ ულამაზესი ილუსტრირებული გამოცემა, (6-დან 12 წლამდე) და შემეცნებითი წიგნებიც რომ არ გამოგვრჩენოდა, არჩევანი შევაჩერეთ წიგნზე "ლეგენდარული ადამიანები — მეცნიერები“ (13-დან 16 წლამდე).

3. ენციკლოპედიების მოყვარულებს, წესით, მოგეწონებათ მესამე კალათა, რომელიც აერთიანებს წიგნებს: "365 დაუჯერებელი და უტყუარი ფაქტი ყველაფერზე“ (6-დან 12 წლამდე) და "გასაოცარი საგანძური — ძველი ეგვიპტე“ ( 8-დან 12 წლამდე).

ფესტივალის განმავლობაში წარმოდგენილი იქნება პალიტრა L-ის კატალოგის ყველაზე პოპულარული და ახალი გამოცემები: რომანები, მოთხრობები, მხატვრული და არამხატვრული წიგნები, საბავშვო ლიტერატურა და სხვა მრავალი საინტერესო საკითხავი, რომელიც მკითხველებს უკვე მეოცე წელია ლიტერატურის მრავალფეროვან სამყაროში ამოგზაურებს.

აქვე მოეწყობა სპეციალური საბავშვო სივრცე, ეს იქნება ადგილი, სადაც ბავშვები შეხვდებიან საყვარელ პერსონაჟებს, ითამაშებენ მათთვის შექმნილი თამაშებით და გაატარებენ საინტერესო დროს წიგნების სამყაროში.

წიგნების კატალოგი სრულად იხილეთ ბმულზე: https://palitral.ge/blogs/299

ჩაინიშნეთ თარიღები:
31 ოქტომბერი, 1-ლი და 2 ნოემბერი

ადგილმდებარეობა: თბილისი მოლი, 213 კმ აღმაშენებლის ხეივანი (მთავარი ატრიუმი, I სართული)