თურქეთის პრეზიდენტი რეჯეფ თაიფ ერდოღანი, რუსეთის პრეზიდენტ ვლადიმერ პუტინს ტელეფონით ესაუბრა. ამის შესახებ ინფორმაციას თურქეთის პრეზიდენტის ადმინისტრაციის კომუნიკაციების დირექტორატი სოციალურ ქსელში ავრცელებს.

2 ქვეყნის ლიდერებმა სატელეფონო საუბრისას განიხილეს თურქეთსა და რუსეთს შორის ორმხრივი ურთიერთობები, ასევე რეგიონული და გლობალური საკითხები.

პრეზიდენტმა ერდოღანმა აღნიშნა, რომ თურქეთი ძალისხმევას არ იშურებს ღაზაში ცეცხლის შეწყვეტისა და რეგიონში ჰუმანიტარული დახმარების მიწოდების უზრუნველსაყოფად.

თურქეთის პრეზიდენტმა ხაზი გაუსვა იმასაც, რომ უკრაინასა და რუსეთს შორის ომში სამართლიანი და მდგრადი მშვიდობის მისაღწევად, დიპლომატიური ძალისხმევა უნდა გაძლიერდეს და აღნიშნა, რომ თურქეთი მშვიდობისთვის მუშაობას გააგრძელებს.

ერდოღანმა პუტინს დაბადების დღეც მიულოცა.