ოკუპირებულ აფხაზეთის სახელმწიფო უსაფრთხოების სამსახურის თანამშრომლებმა საქართველოს მოქალაქე შალვა ხიზანიშვილი თბილისისთვის ჯაშუშობის ბრალდებით დააკავეს. მედიის ინფორმაციით, ხიზანიშვილი გალის რაიონში რუსეთის ფედერალური უსაფრთხოების სამსახურის საგუშაგოს ვიდეოგადაღებისას შენიშნეს.

როგორც ცნობილია, როდესაც სამსახურის თანამშრომლები ხიზანიშვილს მოუახლოვდნენ, მან აღიარა, რომ კონტაქტი ჰქონდა საქართველოს სპეციალურ სამსახურებთან და რუსეთის ფედერალური უსაფრთხოების სამსახურის ვიდეოგადაღებას ფინანსური ანაზღაურების სანაცვლოდ ახორციელებდა. მისი დაკავება 1-ელ ოქტომბერს მოხდა.

ოფიციალური საინფორმაციო სააგენტოს ცნობით, ხიზანიშვილის საცხოვრებელ სახლშიც ჩატარდა ჩხრეკა, სადაც შაშხანები, საბრძოლო მასალა, ასაფეთქებელი ნივთიერებები, ქართული დოკუმენტები და საბანკო ბარათი აღმოაჩინეს.

საქართველოს სახელმწიფო უსაფრთხოების სამსახურმა "რადიო თავისუფლებას" განუცხადა, რომ საქმეს იძიებენ.

აფხაზეთის ომის (1992–1993) შემდეგ განხორციელებული ეთნიკური წმენდის შედეგად გალის რაიონის ეთნიკური ქართველების უმეტესობა ცხოვრობს.

ხშირად ფიქსირდება შემთხვევები, როდესაც ოკუპირებულ აფხაზეთში ქართველებს ან სხვა პირებს თბილისისთვის ან კიევისთვის ჯაშუშობის ბრალდებით აკავებენ. ივნისში ოკუპირებული სოხუმის აეროპორტში დასაქმებული რუსი მუშა დააკავეს და უკრაინის სამხედრო დაზვერვის დავალებით თავდასხმის დაგეგმვაში დაადანაშაულეს.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.