საქართველოს ბანკი პარტნიორი ბიზნესების მხარდაჭერას აგრძელებს. ამჯერად, ბანკთან პარტნიორობით, 27 სექტემბერს, წეროვანში, ლაიონ აუქციონის ავტოსადგომზე, ამიერკავკასიაში პირველი, ამერიკული ავტო აუქციონი გაიმართა.

აქ წარმოდგენილი იყო 10 ავტომობილი, რომლებიც დღეს ყველაზე მოთხოვნადია ბაზარზე. აუქციონის მონაწილეებს კი შეეძლოთ სასურველი ავტომობილი საბაზრო ღირებულებაზე 2-3 ჯერ ნაკლებ ფასად შეეძინათ.

ლაიონ აუქციონის ავტოსადგომზე ყველა საფასო კატეგორიის ავტომობილია. კომპანია მომხმარებლებს შესაძლებლობას აძლევს ადგილზე არსებული მანქანების გარდა, გზაში მყოფი ავტომობილები შეიძინონ. აგრეთვე შეუძლიათ, საკუთარი მანქანა დააყენონ აუქციონზე და,მის გაყიდვაში კომპანია დაეხმარებათ.

აღსანიშნავია, რომ ლაივ აუქციონი პერიოდულობით, ყოველ შაბათს გაიმართება. გარდა ამისა, 9 ოქტომბრიდან მომხმარებლებს შესაძლებლობა ექნებათ სასურველი ავტომობილი ონლაინ, www.lionauctions.com - ზე შეიძინონ.

ინფორმაციისთვის, ლაიონ აუქციონი IAA-ის ოფიციალური წარმომადგენელია საქართველოში.

“საქართველოს ბანკი ბიზნესის ერთგული პარტნიორია და წლებია საქართველოში ავტო ინდუსტრიის განვითარებას აქტიურად უჭერს მხარს. ლაიონ გრუპთან 2018 წლიდან ვთანამშრომლობთ. წლიდან-წლამდე კი ეს ურთიერთთანამშრომლობა და მეგობრობა კიდევ უფრო მეტად ღრმავდება. აღნიშნული ღონისძიებაც ამის დასტურია. აუტო აუქციონი არ არის უბრალოდ გაყიდვების ახალი არხი, ეს არის პლატფორმა, რომელიც მომხმარებლის გამოცდილებასა და ავტომობილის შეძენის კულტურას მნიშვნელოვნად შეცვლის. აღსანიშნავია, რომ ავტო აუქციონის პარალელურად, საქართველოში IAA-ის (Insurance Auto Auctions) ოფიციალური წარმომადგენლობა ფუნქციონირებს. ყოველივე ეს კი, ქვეყანაში საერთაშორისო სტანდარტების დამკვიდრებას შეუწყობს ხელს, რაც როგორც ინდუსტრიულ განვითარებას, ისე ეკონომიკურ პროგრესს გულისხმობს. მინდა, წარმატებები ვუსურვო გუნდს, ჩვენ კი არ ვჩერდებით და ვაგრძელებთ ბიზნესების მხარდაჭერას.“ — განაცხადა ალექსანდრე წულუკიანმა, საქართველოს ბანკის კორპორაციული გაყიდვების სექტორის უფროსმა.