უნგრეთის საგარეო საქმეთა მინისტრი, პიტერ სიიარტო ამბობს, რომ რუსეთისა და ბელარუსის საზღვართან "დრუჟბას" ნავთობის მილსადენზე თავდასხმის გამო, უნგრეთს ნავთობის მიწოდება კვლავ შეუჩერდა. მისივე თქმით, ეს უნგრეთის ომში ჩათრევის კიდევ ერთი მცდებლობაა.

"გასულ ღამეს კვლავ განხორციელდა თავდასხმა "დრუჟბას" ნავთობის მილსადენზე რუსეთისა და ბელარუსის საზღვართან ახლოს — ეს არის მესამე შემთხვევა მოკლე პერიოდში. ნავთობის მიწოდება უნგრეთისთვის კვლავ შეჩერდა.

ეს არის კიდევ ერთი შეტევა ჩვენი ენერგეტიკული უსაფრთხოების წინააღმდეგ. კიდევ ერთი მცდელობა, ჩაგვითრიონ ომში. ეს არ გამოუვათ! ჩვენ გავაგრძელებთ ყოველგვარი ძალისხმევის მხარდაჭერას მშვიდობისთვის, პარალელურად მტკიცედ დავიცავთ უნგრეთის ეროვნულ ინტერესებს," — აღნიშნა პიტერ სიიარტომ.