არ დავთმობთ ლექტორებს, ილიაუნი ჩვენია - ამ და სხვა შეძახილებითა და ბანერებით აპროტესტებდა ილიას სახელმწიფო უნივერსიტეტის სტუდენტების ნაწილი ლექტორების ნაწილის გათავისუფლებას.

ილიას უნივერსიტეტის ბიზნეს სკოლის დეკანი, ნინო პატარაია ფიქრობს, რომ მას რაიმე არასამართლებრივი არ ჩაუდენია, როცა მოწვეულ ლექტორებთან თანამშრომლობა შეწყვიტა.

"ბევრმა ამ მოწვეულმა ლექტორმა ცოტა ხნის წინ სხვა უნივერსიტეტში დაიკავეს აკადემიური თანამდებობა, ამავე პერიოდში გავზარდეთ ჩვენი აკადემიური პერსონალი. ჩვენთვის მნიშვნელოვანია ჩვენივე აკადემიურ თანამდებობაზე მყოფმა წაიკითხოს ლექცია", - აღნიშნა პატარაიამ რუსთავი 2-თან საუბრისას.

ამავე უნივერსიტეტის რექტორი, გიგა ზედანია მოწვეულ ლექტორებს აკადემიურ კონკურსში მონაწილეობას სთავაზობს.

"ჩვენ სულაც არ გამოვრიცხავთ, რომ თანამშრომლობა გაგრძელდეს. ოღონდ ამ ლექტორებმა მონაწილეობა უნდა მიიღონ გამოცხადებულ კონკურსში", - უთხრა ილიას სახელმწიფო უნივერსიტეტის რექტორმა, გიგა ზედანიამ რუსთავი 2-ს და დასძინა, რომ პირის პროფესორად არჩევის შემთხვევაში სხვა უნივერსიტეტში აკადემიური პოზიციის დაკავება აკრძალული ექნება.