საქართველოს სისხლის სამართლის საპროცესო კოდექსში შევიდა ცვლილებები, მათ შორის, გაჩნდა ახალი ტერმინი — "პირის იდენტიფიცირების შეზღუდვა". ტერმინი გულისხმობს ოპერატიულ-სამძებრო ღონისძიებაში ან ფარულ საგამოძიებო მოქმედებაში მონაწილე პირის ვინაობის დაფარვას.

საქართველოს იურისტთა ასოციაციის შეფასებით, დაცვის მხარის ინტერესები, ამ შემთხვევაში, სრულად გაუთვალისწინებელია. პირის იდენტიფიცირების შეზღუდვა უპირატეს მდგომარეობაში აყენებს ბრალდების მხარეს. საია-ზე დაყრდნობით, ეს ცვლილება არღვევს "შეჯიბრებითობისა და თანასაწორობის პრინციპს".

"საქართველოს სისხლის სამართლის საპროცესო კოდექსში შევიდა ცვლილებები, შემოთავაზებული ცვლილებების შესაბამისად, სისხლის სამართლის საპროცესო კოდექსს ემატება სრულად ახალი ტერმინი - პირის იდენტიფიცირების შეზღუდვა, რაც გულისხმობს ოპერატიულ-სამძებრო ღონისძიებაში ან ფარულ საგამოძიებო მოქმედებაში მონაწილე პირის ვინაობის დაფარვას.

საია-ს შეფასებით, წარმოდგენილი ცვლილებებით აბსოლუტურად უგულებელყოფილია დაცვის მხარის ინტერესები, ცვლილებები ბრალდების მხარეს გაუმართლებლად უპირატეს მდგომარეობაში აყენებს. ირღვევა შეჯიბრებითობისა და თანასწორობის პრინციპი.

დაცვის მხარე ვერ დაადგენს მოწმის ვინაობას და ვერც იმას, ნამდვილად უშუალოდ ის პირი ერთვება სასამართლოს, რომელმაც კონკრეტულ ღონისძიებაში მიიღო მონაწილეობა თუ არა. დაცვის მხარეს არ შეუძლია, გაასაჩივროს პროკურორის ეს გადაწყვეტილება, შესაბამისად, მას არ აქვს უფლების დაცვის საშუალება ამ კონტექსტში. დაცვის მხარისთვის მსგავსი აკრძალვა არის ბლანკეტური, და, არ შეესაბამება სამართლიანი სასამართლოს პრინციპებს, — ნათქვამია საია-ს მიერ გავრცელებულ ინფორმაციაში.

სისხლის სამართლის საპროცესო კოდექსში ცვლილებებით, ფარულ და ოპერატიულ საგამოძიებო მოქმედებებში მონაწილე პირების ვინაობას პროკურატურა არ გაამხელს.

განმარტებით ბარათის მიხედვით, ამ ცვლილების მიზანი გამოძიებაში ჩართული პირის "სიცოცხლის, ჯანმრთელობის, მასთან დაკავშირებული პირების უსაფრთხოების დაცვაა. მეორე მხრივ გაზრდის გამოძიებასთან თანამშრომლობის პროცესის კონფიდენციალურობის ხარისხს".

კანონპროექტი "ოცნების" პარლამენტმა 1 ივლისს, დაჩქარებული წესით I მოსმენით მიიღო

ასევე იხილეთ:

ფარული და ოპერატიულ საგამოძიებო მოქმედებებში მონაწილე პირები სასამართლოში დისტანციურად, ვინაობის დაფარვით ჩაერთვებიან