"ექსტრემიზმი ისაა ევროპაში უვიზო მიმოსვლას რომ გვაკარგვინებთ!", — პარტია ფედერალისტების ლიდერი თამარ ჩერგოლეიშვილი ოცნების პარლამენტის თავმჯდომარეს, შალვა პაპუაშვილს პასუხობს.

"უმეცარო არარაობავ! ექსტრემიზმი ისაა ევროპაში უვიზო მიმოსვლას რომ გვაკარგვინებთ! ათეულობით პოლიტპატიმარი რომ გვყავს! პოლიტიკური ლიდერების უმრავლესობა რომ ციხეშია და საქართველოს ყველა მეგობარი მტრად რომ შერაცხეთ!" — წერს ფედერალისტების ლიდერი თამარ ჩერგოლეიშვილი.

მანამდე "ქართული ოცნების" პარლამენტის თავმჯდომარემ, შალვა პაპუაშვილმა თქვა, რომ ბრიტანეთის საელჩო ცდილობდა, დაეფინანსებინა "ექსტრემისტული" განწყობების ადამიანები საქართველოში — "არის თუ არა ეს უკიდურესი პოლიტიკურ ხედვები და უკიდურესი ზომების მხარდაჭერა?[...] ჩერგოლეიშვილის და ჯაფარიძის დაფინანსებას აპირებდა ბრიტანეთის საელჩო. დასკვნა, ბრიტანეთის საელჩო აპირებდა ექსტრემისტული შეხედულებების მქონე ადამიანების დაფინანსებას. ამაზე გაგვცენ პასუხი", — თქვა პაპუაშვილმა.

11 ივნისის განცხადების მიხედვით, „გრანტების კანონში“ ცვლილებების გამო, დიდი ბრიტანეთის საელჩომ საქართველოში გააუქმა დაგეგმილი საგრანტო პროექტები, რომლებიც მიზნად ისახავდა საარჩევნოდ გამჭვირვალობის ხელშეწყობას. პროპაგანდისტული "იმედის" გავრცელებული ინფორმაციით, ბენეფიციარები უნდა ყოფილიყვნენ "საქართველოს ახალგაზრდა იურისტთა ასოციაცია", "ტაბულა", "კანონის უზენაესობის ცენტრი" და "საქართველოს მომავლის აკადემია";