სერიალი სექსი დიდ ქალაქში ჯერ კიდევ 2004 წელს დასრულდა, თუმცა მისი განხილვა და ახალ სეზონზე საუბრები ჯერ კიდევ არ წყდება.

სერიალის ბოლო რამდენიმე სერიიდან ირკვევა, რომ ქერი ბრედშოუ [სარა ჯესიკა პარკერი] და მისტერ ბიგი [კრის ნოტი] ერთად რჩებიან, მას შემდეგ, რაც ბიგი მიხვდება, რომ მთელი დარჩენილი ცხოვრების გატარება ქერისთან სურს.

დასასრულმა ეიდენის უამრავი გულშემატკივარი იმედგაცრუებული დატოვა. რამდენიმე დღის წინ, წიგნის, სექსი დიდ ქალაქში, ავტორმა კენდეს ბუშნელმა აღიარა, რომ თავიდან ყველაფერი ასე არ იყო ჩაფიქრებული.

ფოტო: HBO

ბუშნელის თქმით, ქერი ბიგთან იმიტომ დარჩა, რომ დედამისი ეიდენის პერსონაჟს ვერ იტანდა:

"დედაჩემს სძულდა ეიდენი, ჩემთვის უცნობი მიზეზის გამო, ამიტომ მის მხარეს ვერ ვიქნებოდი. როდესაც სახლში ვბრუნდებოდი და ჩემს მშობლებს ვსტუმრობდი, დედაჩემი მუდამ მეკითხებოდა: "რატომაა ქერი ეიდენთან და არა მისტერ ბიგთან? ეიდენს უნდა მოარიდო!" დედაჩემი ფიქრობდა, რომ ისინი ერთმანეთისთვის არ იყვნენ".

როდესაც ბუშნელს ჰკითხეს, უნდა ველოდოთ თუ არა სერიალის მესამე ნაწილს, მან უპასუხა:

"მე სულ მინდოდა და მინდა ახლაც, რომ ის გაგრძელდეს, თუმცა არ ვიცი ეს ოდესმე მოხდება თუ არა. სავარაუდოდ - არა".

აი ასე მოულოდნელად ირკვევა, რომ უამრავი ადამიანისთვის საყვარელი ქერი ბრედშოუს ბედზე გავლენა კენდეს ბუშნელის დედას მოუხდენია.

ბონუსი: როგორი უნდა ყოფილიყო სერიალის ქუდი - Sex and the City-ის აქამდე უცნობი კადრები.