შემოდგომა სატელევიზიო სივრცეში ახალ წელთან ასოცირდება. მსოფლიოს გიგანტი არხები ცდილობენ განახლებულ შევუთვასთან ერთად, მაყურებელი ახალ-ახალი შოუებით გაანებივრონ, თუმცა რა თქმა უნდა არც ძველ სერიალებს ივიწყებენ.

წარმოგიდგენთ სატელევიზიო არხების შემოდგომის პრემიერებს.

American Horror Story

სერიალის ახალი სეზონის პრემიერა FX-ზე უკვე შედგა ხუთ სექტემბერს. გირჩევთ წაიკითხოთ ჩვენი სტატია: ყველაფერი რაც American Horror Story-ის ახალ სეზონზე ვიცით

The Deuce

The Deuce ასე ჰქვია HBO-ს ახალ სერიალს, რომლის პრემიერაც 2017 წლის 10 სექტემბერს შედგა. სერიალში მთავარ როლებს ჯეიმს ფრანკო და მეგი ჯილენჰოლი ასრულებენ.

სერიალის შემქმნელები ჯორჯ პელეკანოსი და დეივიდ საიმონი არიან. სიუჟტი ნიუ-იორკში, 1970-1980-იან წლებში ვითარდება და ის ამერიკული პორნო ინდუსტრიის განვითარების პროცესზე გვიყვება, იმაზე თუ როგორ გადაიქცა სექსი მილიარდების მომტან ბიზნესად და როგორ დაიპყრო ამ ინდუსტრიამ ტაიმ სკვერი და მანჰეტენი.

ჯეიმს ფრანკო სერიალში ტყუპი ძმების ვინსენტ და ფრენს მარტინოს როლებს ასრულებს.

Top of the Lake: China Girl

ჯეინ კამპიონის Top of the Lake ახალი სეზონით 10 სექტემბერს დაბრუნდა. სერიალში მთავარ როლებს მხევლის წიგნის ვარსკვლავი ელიზაბეტ მოსი, GOT-ის მსახიობი გვენდოლინ კრისტი და ნიკოლ კიდმანი ასრულებენ.

სერიალი მოგვითხრობს ისტორიას მკვლელზე, რომელზე ნადირობაც მას შემდეგ დაიწყება, როდესაც სიდნეის სანაპიროზე გოგოს გვამი გამოირიყება.

დეტექტივი რობინ გრიფინი, რომელიც სიდნეიში ახალი დაბრუნებულია და ცხოვრების თვიდან დაწყებას გეგმავს მკვლელის პოვნას გადაწყვეტს, თუმცა რამდენი ნაბიჯითაც უახლოვდება სიმართლის დადგენას, იმდენივე ახალი საიდუმლო ჩნდება.

Young Sheldon

დიდი აფეთქების თეორიის ერთგულმა მაყურებლებმა უკვე იციან, რომ CBS შელდონის ბავშვობას დამოუკიდებელ შოუს მიუძღვნის, რომელიც ცხრა წლის შელდონის ისტორიას მოგვითხრობს.

შოუს პრემიერა 25 სექტემბერს იგეგმება

THIS IS US

ემის წლევანდელი ნომინანტი, NBC-ის პოპულარული დრამა მაყურებელს ახალი სეზონით 26 სექტემბერს შეხვდება.

INHUMANS

ABC-ისა და მარველის ახალი, ერთობლივი სერიალი Inhumans ეთერში 29 სექტემბერს გავა. შოუში ერთ-ერთ როლს სამეფო კარის თამაშების ვარსკვლავი, ივან რეონი, იგივე რემზი ბოლტონი, შეასრულებს.

The Gifted

წარმოიდგინეთ რა მოხდებოდა, გასული წლის ერთ-ერთი ყველაზე გახმაურებული სერიალი Stranger Things და მარველის პოპულარული კომიქსი X-Man, რომ გაერთიანებულიყო და ასე წარდგენილიყო ჩვენს წინაშე?

თუ წარმოდგენა გიჭირთ, მაშინ გეტყვით, რომ 2 ოქტომბერს Fox-ის ეთერში ახალი სერიალის The Gifted პრემიერა შედგება, რომელშიც ნახავთ ბავშვებსაც, მუტანტებსაც, სამეცნიერო ექსპერიმენტებსაც, სპეცეფეტქებსაც და სავარაუდოდ ძალიან საინტერესო სიუჟეტსაც.

ახალი სერიალი 20th Century Fox-ისა და Marvel Television-ის ერთობლივი პროექტია. შოუს სიუჟტი ერთი ოჯახის შესახებ მოგვითხრობს, სადაც მშობლები აღმოაჩენენ, რომ მათი შვილები ზებუნებრივი ნიჭით არიან დაჯილდოებულები.

შოუს შემქმნელები მეთ ნიქსია, რეჟისორი კი ბრაიან სინგერი.

სერიალში მთავარ როლებს სტეფან მაიერი, ემი აკერი, შონ ტეილი და კობი ბელი ასრულებენ.

Scandal

შონდა რაიმსის ერთ-ერთი ყველაზე ცნობილი და პოპულარული სერიალი სკანდალი ახალი და ამჯერად უკანასკნელი სეზონით პირდაპირ ეთერს 5 ოქტომბერს დაუბრუნდება.

Dynasty

ლეგენდარული საპნის-ოპერის განახლებული ვერსია CW-ზე 11 ოქტომბერს დაიწყება.

The Walking Dead

AMC-მ სერიალ მოსიარულე მკვდრების მერვე სეზონის პრემიერის თარიღი დააანონსა - შოუ ეკრანებზე 22 ოქტომბერს დაბრუნდება.

როგორც შოუს შემქმნელი სკოტ გიმპლი ამბობს, მეშვიდე სეზონთან დაკავშირებული კრიტიკა გაითვალისწინეს და მერვე სეზონი უფრო დინამიურად განავითარეს.

STRANGER THINGS

ნეტფლიქსის შოუს მეორე სეზონში ძველი პერსონაჟების გარდა, რამდენიმე ახალსაც ვიხილავთ. სეზონის პრემიერა კი 27 ოქტომბერს იგეგმება.