Tesla-ს აქციების ფასი 15%-ზე მეტით დაეცა. NBC News-ის ცნობით, Tesla-ს აქციების ფასის კლება დაკავშირებულია აშშ-ის პრეზიდენტის, დონალდ ტრამპის სატარიფო გეგმებთან და აშშ-ს მთავრობის ეფექტურობის დეპარტამენტის ხელმძღვანელის, ილონ მასკის პოლიტიკურ რიტორიკასთან.

აქტივისტებმა და მასკის ყოფილმა გულშემატკივრებმა შეერთებულ შტატებში არსებულ Tesla-ს ობიექტებში საპროტესტო აქციები მოაწყვეს, ხოლო Tesla-ს მანქანებზე ვანდალიზმისა და დაწვეს შემთხვევებს ჰქონდა ადგილი.

Tesla-მ 7 მარტს, ზედიზედ მეშვიდე კვირა ზარალით დაასრულა, რაც მისი ყველაზე გრძელი წაგების სერიაა Nasdaq-ის დებიუტის შემდეგ 2010 წელს. ორშაბათს, 10 მარტს, Tesla-ს აქციების ფასი Wall Street-ზე 15,43%-ით დაეცა, რაც ყველაზე ცუდი მაჩვენებელია ბაზარზე 2020 წლის სექტემბრის შემდეგ, ამის შესახებ NBC News იტყობინება.

მას შემდეგ, რაც 2024 წლის 17 დეკემბერს თითო აქციის ფასმა $479,86-ს, ღირებულების პიკს მიაღწია, Tesla-მ თავისი ღირებულების 50%-ზე მეტი, ანუ 800 მილიარდ დოლარზე მეტი საბაზრო კაპიტალი დაკარგა.

NBC News-ის ცნობით, Tesla-ს აქციების ფასის კლება დაკავშირებულია აშშ-ის პრეზიდენტის დონალდ ტრამპის სატარიფო გეგმებთან დაკავშირებულ გაურკვევლობასთან. კანადა და მექსიკა საკვანძო ბაზრებია ავტომობილების მომწოდებლებისთვის და უფრო მაღალმა ტარიფებმა შეიძლება გამოიწვიოს სავაჭრო ომი და გავლენა მოახდინოს ელექტრო მანქანების წარმოებაზე.

Tesla აქციებზე ასევე გავლენას ახდებს საზოგადოების რეაქციას კომპანიის დამფუძნებლისა და აშშ-ს მთავრობის ეფექტურობის დეპარტამენტის ხელმძღვანელის, ილონ მასკის პოლიტიკური რიტორიკის გამო.

აქციების ფასების ვარდნა არ არის ერთადერთი "პრობლემა", რომელსაც ბიზნესმენი ილონ მასკი ამჟამად აწყდება. ორშაბათს მან თქვა, რომ მისი სოციალური ქსელი X "მასიური კიბერშეტევის" მსხვერპლი გახდა.

მასკმა თქვა, რომ მასიური კიბერშეტევა, ძირითადად უკრაინული IP მისამართებიდან იყო.

"იყო (და არის) მასიური კიბერშეტევა X-ზე. ჩვენ თავს გვესხმიან ყოველდღე, მაგრამ ამჯერად ეს უფრო დიდი რესურსებით განხორციელდა. ჩართულია ან დიდი, კოორდინირებული ჯგუფი და/ან ქვეყანა. "ჩვენ ვაკვირდებით", — დაწერა მასკმა X-ზე.