ჰელსინკის კომისიას ახალი თავმჯდომარე ჰყავს — ის რესპუბლიკელი სენატორი როჯერ უიკერი იქნება.

ამის შესახებ განცხადებას ჰელსინკის კომისია ავრცელებს. განცხადება შეეხება საქართველოში მიმდინარე მოვლენებსაც და მასში ქართული ოცნება მწვავედაა გაკრიტიკებული.

"ჩემთვის პატივია ჰელსინკის კომისიის თავმჯდომარედ დასახელება. ევროპული უსაფრთხოება ყოველთვის კარგია შეერთებული შტატებისთვის. თითქმის 50 წლის განმავლობაში ჰელსინკის კომისია მსოფლიოს მასშტაბით იცავს ადამიანის უფლებებს, წინ წევს დემოკრატიას და ეკონომიკურ თანამშრომლობას ზრდის. დღევანდელი გამოწვევები არანაკლებად გადაუდებელია. მოუთმენლად ველი ორპალატიან, ორპარტიულ საფუძველზე მუშაობას უკრაინის წინააღმდეგ რუსეთის ომის სამართლიანად დასრულებისთვის, ნატოს ალიანსის გაძლიერებისთვის, საერთაშორისო წესრიგისთვის, რომელიც ჩვენს ეროვნულ ინტერესებს ემსახურება", — ვკითხულობთ უიკერის განცხადებაში.