"ამას არ უნდა დარქმეოდა მოპოვებული ეთერი — ეს არის ჩვენი გადაწყვეტილება, კონკრეტულად ჩემი." — ამის შესახებ საზოგადოებრივი მაუწყებლის გენერალურმა დირექტორმა თინათინ ბერძენიშვილმა სამეურვეო საბჭოს სხდომაზე განაცხადა. ბერძენიშვილმა აღნიშნა, რომ შეიქმნა ილუზორული წარმოდგენები იმასთან დაკავშირებით, რომ საზოგადოებამ ეთერი "მოიპოვა".

"როდესაც მოვიდა ადამიანთა ჯგუფი და მათ მოეჩვენათ, სამართლიანად, უსამართლოდ, ჩვენთან არ ისმის საკმარისად ხმა, კი, ბატონო, ჩვენ მოგცემთ ეთერს და ამაზეც ვისაუბრეთ, რამდენი ხანი შეიძლებოდა გაგრძელებულიყო ეთერი. [...] პროდიუსერთან სიის მოწოდება... მე არ ვერევი, აქ არიან პროდიუსერები და დამეთანხმებიან, არასდროს მიმიცია ჩემი თავისთვის უფლება, მეთქვა, რომელი სტუმარი ყოფილიყო, ვინ გაშუქებულიყო, როგორი კადრი ყოფილიყო.
[...] ყოველი ეთერი იწყებოდა, "ჩვენ მოვიპოვეთ ეთერი" — ამან გამოიწვია და შექმნა ილუზორული წარმოდგენები. რას ნიშნავს, მოიპოვეთ? შემოვარდით? იმ დღეს, როცა შემოვარდით, ჩვენ ამას სამართლებრივი ფორმა არ მივეცით, თუმცა შეგვეძლო. ჩვენ ვთქვით, რომ არ გვჭირდება პოლიციის ძალით ამ ხალხთან საუბარი, არ გვჭირდება შენობაში შემოვარდა, არავის დაჭერა, დაზარალება და ა.შ.", — თქვა თინათინ ბერძენიშვილმა.