როგორც იცით, HBO სამეფო კარის თამაშების ფინალურ სეზონს დიდი ალბათობით 2019 წელს გამოუშვებს.

სავარაუდოდ, მანამ სანამ ჩვენ მოლოდინის რეჟიმში ვართ, მოგვიწევს უამრავი სტატია წავიკითხოთ სხვადასხვა თეორიების შესახებ.

ამასთანავე ცნობილი გახდა, რომ შესაძლოა ტელეკომპანია ტელევისამ სერიალის მექსიკური ვერსია გადაიღოს.

ცოტა ხნის წინ კი სერიალის ერთ-ერთმა ფანმა Youtube-ზე ახალი ვიდეო ატვირთა, სადაც საშუალება გვაქვს ვნახოთ, თუ როგორი იქნებოდა სამეფო კარის თამაშები ოცდამეერთე საუკუნეში.

ტრეილერში აქცენტი კლიმატის ცვლილებასა და საერთაშორისო პოლიტიკურ ურთიერთობებზე კეთდება.

Westeros - ასე ჰქვია ვიდეოს, სადაც ნაჩვენებიან, თუ როგორები იქნებოდნენ ლანისტერების, სტარკების, ტარგარიენებისა და სხვათა გვარები თანამედროვე დროში რომ ეცხოვრათ და სადაც რკინის ტახტისთვის ბრძოლა 21-ე საუკუნეში მიმდინარეობს.

სინამდვილეში ვიდეო რგოლი ჰოლანდიური ტელეკომპანია VPRO-სთვის არის გადაღებული და ის სატირული გადაცემა Zondag met Lubach-ის ახალი სეზონის პრომოა.