ესტონეთის პარლამენტის საგარეო ურთიერთობათა კომიტეტის თავმჯდომარის, მარკო მიხელსონის თქმით, NATO-მ, უკრაინისა და საქართველოს ალიანსში გაწევრიანებასთან დაკავშირებით, პირობა უნდა შეასრულოს.

ამის შესახებ მარკო მიხელსონი სოციალურ ქსელ X-ზე წერს.

"ნატო-მ ჯერ კიდევ 2008 წელს გადაწყვიტა, რომ უკრაინა და საქართველო გახდებიან ალიანსის წევრები. ნატო-მ, მათ შორის აშშ-მა და გერმანიამ, თავისი სიტყვა უნდა შეასრულოს", — წერს იგი.

შეგახსენებთ, გუშინ, 16 იანვარს, ვოლოდიმირ ზელენსკიმ განაცხადა, რომ აშშ, გერმანია, სლოვაკეთი და უნგრეთი მხარს არ უჭერენ უკრაინის NATO-ში გაწევრიანებას.

"ისინი გულწრფელები იყვნენ: არ სურდათ ჩვენი ნატო-ში ხილვა. ეს ოთხი ქვეყანა, სხვადასხვა მიზეზების გამო, უკრაინას ნატო-ში ჯერ ვერ ხედავენ", — აღნიშნა ზელენსკიმ.