გაფართოების საკითხებში ევროკომისარი, მარტა კოსი სოციალურ პლატფორმა X-ზე ეხმაურება 26 ოქტომბრის საპარლამენტო არჩევნების შესახებ ეუთო/ოდირის საბოლოო დასკვნას. კოსი წერს, რომ არჩევნებმა მნიშვნელოვანი ხარვეზებით ჩაიარა და დასკვნა კრიტიკულია.

"ეუთო/ოდირის საბოლოო ანგარიში საქართველოს საპარლამენტო არჩევნებში სერიოზულ ხარვეზებს ადასტურებს

ხელისუფლებამ სასწრაფოდ უნდა მიმართოს პრიორიტეტულ რეკომენდაციებს, რათა დაიბრუნოს ნდობა, აღიარება და უზრუნველყოს ევროპული მომავალი — ის, რამაც ასობით ათასი ქართველი ქუჩებში გამოიყვანა", — წერს მარტა კოსი.