პროევროპულ პროტესტში ჩართული ორგანიზაციები 28 დეკემბერს საქართველოს მასშტაბით მასობრივ საპროტესტო აქციას აანონსებენ. ორგანიზატორების განცხადებით, მთელს საქართველოში უნდა მოეწყოს "სახალხო ჯაჭვი" და ხალხმა ერთხმად უნდა უთხრას რეჟიმს "არა!".

"გავაკეთოთ სახალხო ჯაჭვი საქართველოს ევროპული მომავლისათვის!
არა ივანიშვილის დასმულ არალეგიტიმურ პრეზიდენტს!
გათავისუფლდეს ყველა უკანონოდ დაკავებული!
დაინიშნოს ახალი საპარლამენტო არჩევნები!
28 დეკემბერს, 15:00-ზე, საქართველოს ქალაქებსა და რაიონულ ცენტრებში ხელჩაკიდებულები ვდგებით სახალხო ჯაჭვში და ერთხმად ვეუბნებით რეჟიმს ,,არას"!
ვუცხადებთ პროტესტს ივანიშვილის დასმული არალეგიტიმური პრეზიდენტის ე.წ. ინაუგურაციას, რომელიც რეჟიმის დადგმული ფარსია.
ივანიშვილის არალეგიტმური პარლამენტის მიერ დანიშნული ივანიშვილისვე შერჩეული პრეზდენტი — არალეგიტიმურია.
ახალი საპარლამენტო არჩევნები პოლიტიკური კრიზისიდან გამოსვლის ერთადერთი გზაა!
28 დეკემბერს, 15:00-საათზე, გამოვიდეთ ჩვენი ქალაქების, რაიონების ცენტრალურ მოედანზე, გამზირზე და ჩავდგეთ ერთსაათიან ჯაჭვში!
ერთად დავუბრუნოთ საქართველოს ევროპული მომავალი!“ — წერია გავრცელებულ განცხადებაში.

ღონისძიების ორგანიზატორია"სინათლის მოძრაობა", ასევე "დაიტოვე", არასამთავრობო და სტუდენტური ორგანიზაციები