2018 წლის მაისში NASA მარსისკენ ახალ როვერ InSight-ს გაუშვებს, რომელიც წითელ პლანეტაზე 2018 წლის დეკემბერში დაჯდება.

ახალი მისია მარსის ეკვატორთან ახლოს დაჯდება, მზის ენერგიის პანელებს გაშლის და პლანეტის სიღრმეებს გამოიკვლევს. InSight სამი სახის კვლევას ჩაატარებს.

სეისმომეტრი, რომელითაც როვერია აღჭურვილი, პლანეტის მიწისძვრებსა და მეტეორების შეჯახებისგან გამოწვეულ რხევებს დააფიქსირებს.

სითბური სენსორი კი მიწაში 3 მეტრის სიღრმეზე ჩავა და პლანეტის შინაგან ენერგიას შეისწავლის.

ფოტო: NASA / JPL-Caltech

ხოლო მესამე ექსპერიმენტი დედამიწასა და მარს შორის არსებულ რადიო სიგნალებს დააკვირდება, რომლის ცვლილებებითაც მეცნიერები შეისწავლიან თუ როგორ ბრუნავს წითელი პლანეტა თავისი ღერძის გარშემო, რაც პლანეტის ბირთვის შესახებ მოგვცემს ინფორმაციას.