რიკოთის უღელტეხილზე მსუბუქი ავტომობილი სამგზავრო მიკროავტობუსს დაეჯახა. ავტოსაგზაო შემთხვევის შედეგად ქუთაისი-თბილისის ხაზზე მოძრავი მიკროავტობუსი გადაბრუნდა, თუმცა მგზავრებს მძიმე დაზიანებები არ მიუღიათ.

შინაგან საქმეთა სამინისტროს ცნობით, საავადმყოფოში გადაიყვანეს სამი მსუბუქად დაშავებული ადამიანი. გამოძიება 276-ე მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.