რამდენიმე დღის წინ მთელი თქვენი ნიუს-ფიდი მზის სრული დაბნელების ფოტოებმა წალეკა, რომელიც ამერიკაში მოხდა. ალბათ, ზოგიერთი თქვენგანი იმდენად იღბლიანი აღმოჩნდით, რომ საკუთარი თვალით ნახეთ ასეთი იშვიათი მოვლენა.

პრეზიდენტი დონალდ ტრამპიც კი დაესწრო ამ საოცარ სანახაობას - მაგრამ, ტრამპი რისი ტრამპია, არასწორად რომ არ შეეხედა?!

კარგად დამტკიცებული ფაქტია, რომ დაბნელებას შეუიარაღებელი თვალით თუ შეხედავ, ის სერიოზულ ზიანს აყენებს თვალის ბადურას. უფრო კონკრეტულად კი, ის ბადურას წვავს, რომელმაც შეიძლება საშინელი შედეგები მოუტანოს თქვენს მხედველობას.

ამის გამო, მთელ სოციალურ მედიაში მეცნიერები და ჟურნალისტები გაჰკიოდნენ, რომ ყველას აუცილებლად უნდა ჰქონოდა დამცავი სათვალეები, რათა დაბნელებას დაბრმავების გარეშე ეყურებინათ. ახლა კი, ქალბატონებო და ბატონებო, ვერც კი წარმოიდგენთ, ვინ დააიგნორა ეს რჩევა!

ამერიკის შეერთებული შტატების პრეზიდენტი აივანზე, პრესის წინ იდგა და ასეთი დამცავი სათვალე არ ეკეთა, მიშტერებული იყო მოგიზგიზე მზეს. პრესის თანახმად, მისმა ერთ-ერთმა მრჩეველმა დაუყვირა: „არ შეხედო!“

ფოტო: Twitter

თავდაპირველად ის დამცავი სათვალეებით გამოჩნდა, მაგრამ ძალიან მალევე მიაგდო და შეუიარაღებელი თვალით დაიწყო დაბნელების დაკვირვება.

კადრების ხანგრძლივობის მიხედვით ჩანს, რომ მან ჩვენს ვარსკვლავს დიდხანს არ უყურა, ასე რომ მისი ბადურები, დიდი ალბათობით, უვნებელი დარჩა.