ქართველმა მუსიკოსებმა ქვეყანაში მიმდინარე პოლიტიკურ კრიზისთან დაკავშირებით მანიფესტი გამოაქვეყნეს.

მანიფესტზე ხელმომწერი 90-ზე მეტი მუსიკოსი აღნიშნავს, რომ გმობენ "ქართული ოცნების" რეჟიმის მიერ პროევროპულად განწყობილი დემონსტრანტების არაპროპორციული ძალის გამოყენებას, მაროდიორობას, უკანონო დაჭერას, დაშინებას და სხვა დანაშაულებრივ მეთოდებს. აგრეთვე, მანიფესტის ხელმომწერები აცხადებენ, რომ პროტესტის ნიშნად უარს ამბობენ ნებისმიერ სახელმწიფო ღონისძიებაში მონაწილეობაზე.

„ხელოვნება თავისი არსით მუდამ იყო თავისუფლებისა და თვითგამოხატვის სიმბოლო, შესაბამისად, ხელოვნება შეუძლებელია იყოს ჩუმი და შეზღუდული. ჩვენი, როგორც მუსიკოსების როლი მუდამ იყო, არის და იქნება იმ სათქმელის, ემოციისა და განწყობის გადმოცემა, რომელიც ჩვენს საზოგადოებაში არსებობს. სიტუაცია დღევანდელ საქართველოში, სადაც ადამიანებს ყოველდღიურად დევნიან, სცემენ და უკანონოდ აკავებენ თავისუფლების ერთგულებისა და ევროპული მომავლის დაცვის გამო, შეუძლებელია დარჩეს ჩვენი რეაგირების გარეშე.

ამ მოვლენების ფონზე, დღეს თვითგამოხატვაზე წინ ჩვენი მოქალაქეობრივი პასუხისმგებლობა დგას, რომელიც აუცილებლად უნდა გასცდეს პროტესტს რუსთაველზე და გადაითარგმნოს საერთო გაფიცვაში.

ერთის მხრივ, მუსიკოსები საზოგადოების კეთილგანწყობით და სიმპათიებით სარგებლობენ, რის გამოც ვალდებულები ვართ, ჩვენი რესურსი არ მოხმარდეს მმართველი პარტიის სოციალური იმიჯის წახალისებასა და პოზიციების გამყარებას.

მეორეს მხრივ, სახელმწიფო ღონისძიებები იმართება არალეგიტიმური მთავრობის მიერ იმ ხალხისგან შევსებული ბიუჯეტით, რომელიც საკუთარი სიცოცხლისა და თავისუფლების რისკის ქვეშ დაყენების ფასად იცავს სამშობლოს.

აქედან გამომდინარე, ჩვენ, მუსიკოსები, პროტესტს ვუცხადებთ არალეგიტიმურ ხელისუფლებას და უარს ვამბობთ ნებისმიერ სახელმწიფო ღონისძიებაში მონაწილეობაზე.

ვგმობთ მათი მხრიდან პროტესტანტების მიმართ არაპროპორციული და გადამეტებული ძალის გამოყენებას, მაროდიორობას, უკანონო დაჭერას, დაშინებასა და მრავალ სხვა დანაშაულებრივ მეთოდს, რომელსაც მმართველი პარტია ძალაუფლების შესანარჩუნებლად იყენებს.

გვჯერა თქვენი და ჩვენი გამძლეობის. გვჯერა, რომ შევძლებთ დავუბრუნდეთ საქართველოს ისტორიულ, ევროატლანტიკურ გზას. გვჯერა, რომ ამ ომში გავიმარჯვებთ სახელოვნად.

პატივისცემით, მუსიკოსები საქართველოსთვის“, - ნათქვამია მანიფესტში.

ხელმომწერთა სია:

1. ნინო ქათამაძე

2. მწვანე ოთახი

3. თამადა

4. Soft Eject

5. მაია დარსმელიძე

6. რობი კუხიანიძე & ჯგუფი Outsider

7. ბექა გოჩიაშვილი

8. Bedford Falls

9. MOKUMOKU

10. არა

11. Creams

12. Mechanical Rainbow

13. ერეკლე დეისაძე

14. Melqo

15. Circus Mircus

16. LOUDspeakers

17. SKAZZ

18. Killages

19. 4D Monster Lobsters

20. მებო ნუცუბიძე

21. ბაჩო ჯიქიძე & ესთეტი ბიჭები

22. გამოუვალი მდგომარეობა

23. ჯგუფი ყველა

24. Zviad Mgebry

25. მურმან წულაძე

26. Anushka Chkheidze

27. Will Kolak

28. Tape Visitors

29. LIOwithILA

30. Sexy Bicycle

31. Lua

32. Nikala

33. Mellow

34. AVARA

35. ელენე გოგოძე

36. კოლექტივი

37. DEENA

38. Postalion

39. On The Road

40. Tanu Stibellyus

41. ONEFORTY

42. დავით მუნჯიშვილი

43. NAKASHA

44. MISHVARDI

45. Noki

46. Hiver Den

47. IAMNIKITA

48. სამართ(ლ)ებელი

49. ინდი მეწარმეები

50. ქაჯი თოდია

51. ბულბულა

52. ნიკა ჩოხელი

53. FLOWFLOW MAGAZINE

54. გიო რუსია

55. პინო

56. Echo

57. STUTTER

58. MVYKL

59. TOVLY

60. SOPO

61. Koa mohawke

62. Process

63. TRIGGER

64. Amstrd.

65. Process

66. Progenol

67. Dito

68. ნათია სართანი

69. Nuka Gabunia

70. Kuji Tabaghua

71. ლაშა ნათენაძე

72. Sophie Villy

73. 9Rhyme

74. ANTICS, HEYS

75. Anman

76. ანიჩკა სიხარულიძე

77. David Delgma

78. Band E Roll

79. მარიამ კუბანსკი

80. ხუტა სალია

81. ლევან სიდიანი

82. ზუკა სიმონიშვილი

83. Tetso

84. თამთა მანძულაშვილი

85. პელარგონია

86. ბარბარე გრიშაშვილი

87. თორნიკე ჯაფიაშვილი

88. მირანდა ნამიჭეიშვილი

89. ზურაბ კოსტავა

90. RTNH

91. გიგი კობერიძე

92. ბექა ჩხარტიშვილი