ქართული ოცნების პრემიერმინისტრობის კანდიდატი ირაკლი კობახიძე, ხოლო პარლამენტის თავჯდომარის კანდიდატი შალვა პაპუაშვილი იქნება. ამის შესახებ პარტიის აღმასრულებელმა დირექტორმა, მამუკა მდინარაძემ ბრიფინგზე ისაუბრა. ქართული ოცნების პოლიტსაბჭოს სხდომას ბიძინა ივანიშვილიც ესწრებოდა.

"ჩვენი წესდების თანახმად, პარტიის საპატიო თავმჯდომარეს აქვს უფლებამოსილება, წარადგინოს პრემიერმინისტრობის კანდიდატი და არ იქნება განსაკუთრებული სიურპრიზი,, რომ ბატონმა ბიძინა ივანიშვილმა პრემიერად წარადგინა ბატონი ირაკლი კობახიძე და ბუნებრივია, პოლიტსაბჭოსგან ეს სრულად მხარდაჭერილია. ასევე, შეგვიძლია ვთქვათ, რომ ქართული ოცნება შალვა პაპუაშვილს წარადგენს პარლამენტის თავმჯდომარის პოსტზე" – ამბობს მდინარაძე.