სამხრეთ აფრიკიდან დაბრუნების შემდეგ უელსის პრინცესა, ქეით მიდლტონი, სახალხოდ გამოჩნდა. ქეითმა მნიშვნელოვანი ნაბიჯი გადადგა კიბოსთან ბრძოლის პროცესში და პირველ დიდ სამეფო შეხვედრას დაესწრო ქიმიოთერაპიის წარმატებული კურსის შემდეგ. მომავალი დედოფალი პრინც უილიამთან და მეფე ჩარლზთან ერთად ბრიტანული ლეგიონის ხსოვნისადმი მიძღვნილ ფესტივალს ესწრებოდა. როგორც ჩანს, პრინცესამ საჯარო მოვალეობების შესრულება სრულად განაახლა.

აღსანიშნავია, რომ დედოფალი კამილა ღონისძიებას ჯანმრთელობის მდგომარეობის გამო არ ესწრებოდა, მაგრამ როგორც სამეფო ოჯახის განცხადებაში ვკითხულობთ, დედოფალმა სასახლიდან მიაგო პატივი დაღუპულთა ხსოვნას.

ცნობისთვის, მარტში პრინცესამ ოფიციალურად დაადასტურა, რომ მოარული ხმები მისი სიმსივნის შესახებ მართალი იყო. მას არ დაუკონკრეტებია, კერძოდ რისი სიმსივნე ჰქონდა, თუმცა თქვა, რომ მკურნალობის ინტენსიურ კურსს გადიოდა და საზოგადოებას მისი პირადი სივრცის პატივისცემა სთხოვა. 42 წლის პრინცესამ სექტემბერში განაცხადა, რომ კიბოსგან თავისუფალია და სამეფო მოვალეობების შესრულებას ეტაპობრივად განაახლებდა. გასულ თვეში ის თან ახლდა უილიამს საუთპორტში, ჩრდილო-დასავლეთ ინგლისში, სადაც წყვილი ივლისში დანით თავდასხმის შედეგად დაღუპული სამი ბავშვის ოჯახს შეხვდა.

ასევე იხილეთ: