ჯგუფ დაიტოვეს ორგანიზებით, ხვალ, 11 ნოემბერს საპროტესტო აქციები ორ ლოკაციაზე: საქალაქო სასამართლოსთან და პრეზიდენტის ადმინისტრაციასთან გაიმართება.

11 ნოემბერს სალომე ზურაბიშვილი ევროკავშირის წევრი 8 ქვეყნის საგარეო ურთიერთობათა კომიტეტების თავმჯდომარეების დელეგაციას შეხვდება. რაც შეეხება თბილისის საქალაქო სასამართლოსთან დაანონსებულ აქციას, ხვალ, 13:00 საათზე 400-ლარიანი ჯებირის საქმეზე დაკავებულების სასამართლო პროცესია ჩანიშნული.

პრეზიდენტის ადმინისტრაციასთან აქცია 10 საათზეა დაანონსებული, საქალაქო სასამართლოსთან — 13:00-ზე.

აქციის ორგანიზატორების განცხადებით, დღევანდელი აქცია მხოლოდ ბრძოლის დასაწყისია და ისინი მუდმივად შეუქმნიან დისკომფორტს ხელისუფლებას. აქციის მონაწილეები საქართველოში ჩატარებულ 26 ოქტომბრის არჩევნებს გაყალბებულად მიიჩნევენ. ისინი ხელახალი არჩევნების ჩატარებას მოითხოვენ.

დღევანდელი საპროტესტო მსვლელობა სიმბოლურად ევროპის მოედანზე დასრულდა. აქციის მონაწილეებმა ადგილზე სიმბოლურად ფანრები აანთეს და აღნიშნეს, რომ ჩაბნელებული ევროპის მოედანი აუცილებლად განათდება.

აქციაზე გაჟღერდა საქართველოსა და ევროკავშირის ჰიმნები. მანამდე, აქციის მონაწილეებმა მტკვრის ორივე სანაპირო, ასევე, ბარათაშვილის ხიდი გადაკეტეს. ამასთან, აქციის მონაწილეებს სამართალდამცველებმა გზის გათავისუფლებისკენ მოუწოდეს. სამართალდამცველების თქმით, აქციის მონაწილეების იდენტიფიცირება მოხდება და ისინი საქართველოს კანონმდებლობის შესაბამისად დაჯარიმდებიან.