რიანა Savage x Fenty-ს კამპანიაში შვილებთან ერთად გადაიღეს. მომღერალმა ინსტაგრამზე ახალ კოლექციასთან ერთად, სადღესასწაულო სულისკვეთებაც გაგვიზიარა. ბესტსელერი, Forever Savage Hooded Onesie, ახალი, სადღესასწაულო დიზაინითაა ხელმისაწვდომი. მაგალითად, ფოტოსესიაზე რიანას და მის შვილებს კაპიუშონიანი პიჟამა Holly Daze-ის პრინტით აცვიათ. აღსანიშნავია, რომ Fenty-ს ბრენდი თავად მომღერალს ეკუთვნის.

"ჩვენ ოფიციალურად გავხდით ოჯახი, რომელიც დღესასწაულებზე ერთნაირად იცვამს" — წერს მომღერალი ინსტაგრამ გვერდზე

მას შემდეგ, რაც დედა გახდა, რიანამ თავის კოლექციებში ბავშვის ტანსაცმელი დაამატა და აქტიურად მიჰყვება ამ ხაზს. ცოტა ხნის წინ, მისი ახალი Fenty x Puma Avanti ფეხსაცმლის სარეკლამო კაპანიის ფარგლებში, მომღერალმა პრესკონფერენციაზე ბავშვები მიიწვია და მათ შეკითხვებს უპასუხა.