2024 წლის საბავშვო ევროვიზიამდე თვეზე ნაკლები დრო რჩება. საერთაშორისო მუსიკალურ ფესტივალს წელს ესპანეთის დედაქალაქი მადრიდი უმასპინძლებს, კონკურსის ფინალური შოუ კი 16 ნოემბერს გაიმართება.

რიგით 22-ე ევროვიზია ჯუნიორზე საქართველოს 11 წლის ანდრია ფუტკარაძე წარადგენს გიგა კუხიანიძის სიმღერით დედას. ანდრია მაყურებლის წინაშე მე-9 ნომრად წარდგება და, წინა წლების მსგავსად, ქართველი მსმენელის განსაკუთრებული გულშემატკივრობა დასჭირდება. თუ როგორ უნდა დაუჭიროთ მხარი პატარა ქართველ მომღერალს კონკურსზე, ამაზე მოგვიანებით მოგიყვებით, მანამდე კი უკვე შეგიძლიათ მოუსმინოთ ყველა სიმღერას, რომელიც წლევანდელ საბავშვო ევროვიზიაზე მონაწილეობს.

1. იტალია — სიმონე გრანდე სიმღერით Pigiama party

2. ესტონეთი — ანაბელი სიმღერით Tänavad

3. ალბანეთი — ნიკოლ ჩაბელი სიმღერით Vallëzoj

4. სომხეთი — ლეო სიმღერით Cosmic Friend

5. კვიპროსი — მარია პისარიდესი სიმღერით Crystal Waters

6. საფრანგეთი — ტიტუანი სიმღერით Comme ci, comme ça

7. ჩრდილოეთ მაკედონია — ანა და ალექსეი სიმღერით Marathon

8. პოლონეთი — დომინიკ არიმი სიმღერით All Together

9. საქართველო — ანდრია ფუტკარაძე სიმღერით დედას

10. ესპანეთი — ქლოე დელაროსა სიმღერით Como la Lola

11. გერმანია — ბიარნე სიმღერით Save the Best for Us

12. ნიდერლანდები — ჯგუფი Stay Tuned სიმღერით Music

13. სან-მარინო — ჯგუფი Idols SM სიმღერით Come noi

14. უკრაინა — არტემ კოტენკო სიმღერით HEAR ME NOW

15. პორტუგალია — ვიქტორია ნიკოლი სიმღერით Esperança

16. ირლანდია — ენია კოქს დემპსი სიმღერით Le chéile

17. მალტა — რამირეს შიბერასი სიმღერით Stilla ċkejkna

ანდრია ფუტკარაძე

ფოტო: რანინა / საზოგადოებრივი მაუწყებელი

ანდრია ფუტკარაძემ წლევანდელ ევროვიზია ჯუნიორზე საქართველოს წარმომადგენლის სტატუსი საზოგადოებრივი მაუწყებლის პროექტ რანინას მეშვიდე სეზონში გამარჯვებით მოიპოვა. ბათუმში დაბადებულ ანდრიას სიმღერა ორი წლის ასაკში დაუწყია. ექვსი წლის ასაკიდან იგი ანსამბლ ზღვის შვილების წევრია, ამასთან, ბათუმის ზაქარია ფალიაშვილის სახელობის მუსიკალურ ექვსწლედში სწავლობს ფორტეპიანოს განხრით.

საქართველო საბავშვო ევროვიზიაზე

2024 წლის საბავშვო ევროვიზიის სცენის დიზაინი

ფოტო: RTVE

გასულ წელს, ნიცაში გამართულ საბავშვო ევროვიზიაზე გამარჯვება ისევ საფრანგეთს ხვდა წილად: ზედიზედ მეორედ, ჯამში კი — მესამედ. საქართველო კი, უკვე საფრანგეთთან ერთად, საბავშვო ევროვიზიის რეკორდსმენ ქვეყნად რჩება სამი გამარჯვებით. 2008 წელს პირველი გამარჯვება ჯერ ჯგუფმა ბზიკებმა მოიპოვა, 2011 წელს პირველადგილოსანი გახდა ჯგუფი ქენდი, 2016 წელს მალტაზე გამართული კონკურსი კი მარიამ მამადაშვილმა მოიგო. ამას გარდა, საქართველომ ევროვიზია ჯუნიორზე ორჯერ დაიკავა მეორე ადგილი და ხუთჯერ მოხვდა საუკეთესო ხუთეულში.

ასევე იხილეთ:

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...