ჰეზბოლამ დაადასტურა ისრაელის თავდაცვის ძალების მიერ გავრცელებული ცნობები იმის შესახებ, რომ 27 სექტემბრის თავდასხმას მათი ლიდერი, ჰასან ნასრალა შეეწირა.

ისრაელში ნასრალას სიკვდილს დიდ გამარჯვებად მიიჩნევენ, რადგან ის ქვეყნის ერთ-ერთ ყველაზე დაუძინებელ მტრად მიიჩნეოდა. ნასრალა ჰეზბოლას 1992 წლიდან ედგა სათავეში და ორგანიზაცია ისტორიულ სიძლიერემდე მიიყვანა, რის შედეგადაც 2000-იანი წლების დასაწყისში სამხრეთ ლიბანზე კონტროლი დაამყარა.

ჰეზბოლას ლიდერის სიკვდილის გამო სამძიმრის წერილი გამოაქვეყნა და ორგანიზაციას სოლიდარობა გამოუცხადა ჰამასმაც, შეიარაღებულმა ორგანიზაციამ, რომელიც ღაზის სექტორში ოპერირებს.