ქართველმა მებრძოლმა მერაბ დვალიშვილმა UFC 306-ზე შონ ომალი დაამარცხა და

სუპერ-მსუბუქი წონის საჩემპიონო ქამარი მოიპოვა. ქართველი მებრძოლი ლას ვეგასში, სფეროს დარბაზში, ეროვნული ქართული სამოსით მივიდა.

შეხვედრა ამ წუთებში დასრულდა.

UFC 306-ზე მერაბ დვალიშვილის საჩემპიონო ბრძოლა ნევადაში, ლას ვეგასში, Sphere-ში დღეს, 15 სექტემბერს გაიმართა. ბრძოლა საქართველოს დროით, 03:30-დან დაიწყო. მერაბი მეტოქეს 9:35-ზე დაუპირისპირდა.


"ომალისთან დაპირისპირება პერსონალური არაა, ეს პროფესიონალური დაპირისპირებაა. მასზე ძალიან გაბრაზებული ვიყავი რამდენჯერმე. გაგიჟებული ვიყავი, როდესაც ჩემი ქვეყანა რამდენჯერმე მოიხსენია უპატივცემულოდ. ჩემი ქვეყანა ჩემთვის რელიგიაზე მეტია. ჩემი ქვეყანა აქ [გულში] მაქვს და ამიტომ დავიწყე ბრძოლა, რომ ჩემი ქვეყანა წარმომეჩინა. და როდესაც ვიღაც, არ აქვს მნიშვნელობა ვინ, უპატივცემულობას ამჟღავნებს შენი ოჯახის, ქვეყნის მიმართ, უნდა გაბრაზდე. მაშინ მინდოდა სახეში გამერტყა. თუმცა ახლა უფრო მნიშვნელოვანია, რომ დავამარცხო კვირას და მისი ქამარი წამოვიღო. ბრძოლის შემდეგ ვისაუბრებ, შეიძლება ვაპატიო, ან უბრალოდ ვისაუბროთ. მინდა ვაჩვენო, რომ უნდა იყოს თავმდაბალი და პატივი სცეს ყველას. საქართველო, მიყვარხარ! ყველაფერს გავაკეთებ, როგორც ჩვენ შეგვეფერება და ისე დავიხარჯები ბოლომდე!" — განაცხადა დვალიშვილმა შეხვედრამდე.