ბელგოროდის ოლქში 4 საზღვრისპირა დასახლების ევაკუაცია მიმდინარეობს, — ინფორმაციას რუსული მედია ავრცელებს.

შესაბამისი განკარგულება 28 აგვისტოს, საღამოს, ბელგოროდის ოლქის გუბერნატორმა, ვიაჩესლავ გლადკოვმა გასცა. გუბერნატორის თქმით, პოროზის, დრონოვკას, სტარი ხუტორისა და პავლოვკას მოსახლეობას დროებით გადაასახლებენ. გარდა ამისა, ჩაიკეტება სოფელ ვიაზოვოესკენ მიმავალი გზა.

გლადკოვის თქმით, ოლქის ადმინისტრაციამ გადაწყვეტილება "დაძაბული ოპერატიული მდგომარეობის" გამო მიიღო.