როგორც უკვე იცით, სამეფო კარის თამაშების პირველ სერიას HBO-ზე რეკორდულად დიდი მაყურებელი ჰყავდა, იმდენად ბევრი რომ HBO-ს საიტიც კი მწყობრიდან გამოიყვანა.

სერიალს საერთო ჯამში 16,1 მილიონმა ადამიანმა უყურა პირდაპირ ეთერში. გასათვალისწინებელია ის, რომ ამ რაოდენობაში არ შედის სხვადასხვა ვებ გვერდებსა თუ პირატულ საიტებზე დადებული სერიის მაყურებელთა რიცხვი.

მაგალითად, თუ წინა წლებს შევადარებთ, სერიალის პირველი სეზონის პირველ სერიას პირდაპირ ეთერში 2,22 მილიონმა ადამიანმა უყურა, შემდეგ კი ეს რიცხვი სეზონიდან სეზონამდე უფრო და უფრო იზრდებოდა, ამის ნათელი მაგალითია ისიც, რომ წინა სეზონის ფინალურ სერიას 8 მილიონზე მეტი მაყურებელი ჰყავდა.

რაც შეეხება სერიალის მესამე ეპიზოდს, მართალია მას პირდაპირ ეთერში 9,25 მილიონმა ადამიანმა უყურა, თუმცა სხვადასხვა საიტებზე ლაივსტრიმის დროს საერთო ჯამში მან, მხოლოდ აშშ-ში, 30 მილიონზე მეტი მაყურებელი დააგროვა.

აღსანიშნავია, რომ სერიალი HBO-ს გარდა მსოფლიოს 186 ქვეყანაში გადის პირდაპირ ეთერში, განსხვავება მხოლოდ მხოლოდ დროებშია და უნდა ითქვას, რომ ყველა ამ ქვეყანაში შოუ რეიტინგების ლიდერია.

მაგალითად, დიდ ბრიტანეთში სადაც სერიალი Sky Atlantic-ზე ღამის 02:00 საათზე გადის, პირდაპირ ეთერში 4,7-მა მილიონმა ადამინმა უყურა, რაც 31%-ით მეტია, ვიდრე რაც ამავე შოუს პრემიერის დროს ხდებოდა მეექვსე სეზონის დროს.

ეს მაჩვენებელი გაიზარდა აზიაშიც, სადაც HBO Asia-ზე სამეფო კარის თამაშების მაყურებლების რიცხვი 24%-ით გაიზარდა, ტაივანსა და სინგაპურში კი წინა სეზონთან შედარებით მაყურებლის რიცხვმა 50%-ით მოიმატა.

29%-ით მეტი მაყურებელი ჰყავს GOT-ს ლათინურ ამერიკაში, გერმანიაში კი მისმა რიცხვმა 21%-ით მოიმატა.

რაც შეეხება იტალიას აქ, მაყურებლის რაოდენობის ზრდის ყველაზე დიდი მაჩვენებელი დაფიქსირდა და ის გასულ სეზონთან შედარებით 61%-ით მეტია.