საქართველოს პრეზიდენტი, სალომე ზურაბიშვილი მოხალისე დამკვირვებლების კამპანიაში ჩაერთო და მოქალაქეების ინფორმირება სოციალური ქსელის საშუალებით დაიწყო.

სალომე ზურაბიშვილი წინასაარჩევნო პროცესებში აქტიურად მონაწილეობს, ის 2024 წლის საპარლამენტო არჩევნებს ერთგვარ "რეფერენდუმსაც" უწოდებს, სადაც მოქალაქეებმა არჩევანი ქვეყნის ევროპულ მომავალსა და წარსულს შორის უნდა გააკეთონ.

მან, ქართული ოცნების საპატიო თავმჯდომარე ბიძინა ივანიშვილი, 5 აგვისტოს დებატებშიც კი გამოიწვია.

პრეზიდენტმა ბიძინა ივანიშვილს, კიდევ ერთხელ შეახსენა, რომ ის არის პოლიტიკური გადაწყვეტილებების მიმღები მთავარი პირი, შესაბამისად მან აუცილებლად უნდა აუხსნას საზოგადოებას თუ რატომ შეცვალა ქვეყნის საგარეო კურსი, ხოლო "არასაჭირო კანონების" მიღებით, საქართველოს დემოკრატიული, ევროპული მომავალი საფრთხის ქვეშ დააყენა.