ირანმა რუსეთს, ისრაელთან შესაძლო ომის მოსამზადებლად თანამედროვე საჰაერო სისტემები სთხოვა — ინფორმაციას ამის შესახებ New York Times პირად წყაროებზე დაყრდნობით ავრცელებს.

გამოცემის ცნობით, რუსეთმა ირანისთვის თანამედროვე რადარებისა და საჰაერო თავდაცვის აღჭურვილობის მიწოდება უკვე დაიწყო. ცნობისთვის, 5 აგვისტოს ირანში, რუსეთის უშიშროების საბჭოს მდივანი და ყოფილი თავდაცვის მდივანი სერგეი შოიგუ იმყოფებოდა.

"შოიგუს ვიზიტი ხაზს უსვამს ირანსა და რუსეთს შორის მჭიდრო კავშირს, რომელიც 2022 წელს უკრაინაში ომის დაწყების შემდეგ განსაკუთრებით გაძლიერდა. ირანმა რუსეთს მიაწოდა სამხედრო დრონები და ორმა ქვეყანამ ახლახან დაასრულა შეთანხმება სამხედრო და სადაზვერვო თანამშრომლობის გაფართოების შესახებ." — წერს გამოცემა.

შეგახსენებთ, ამ ყველაფრის პარალელურად ირანის შესაძლო თავდასხმისთვის ემზადება ისრაელიც. დღეს დილით, ისრაელის საგარეო საქმეთა მინისტრმა თქვა, რომ ირანმა, ისრაელზე თავდასხმის შესახებ აპირებს.

"ირანმა გვაცნობა, რომ ისრაელზე თავდასხმას აპირებს. მსოფლიომ უნდა აზღვევინოს საფასური ირანს ნებისმიერი აგრესიული ქმედებისთვის, რომელსაც ის განახორციელებს". — ამბობს კაცი.

ორ ქვეყანას შორის ვითარების გამწვავებას, წინ უძღოდა ირანში "ჰამასის" პოლიტიკური ლიდერის, ისმაილ ჰანიეს მკვლელობა. ცნობისთვის, ამასთან დაკავშირდებით ისრაელს ოფიციალური განცხადება არ გაუკეთებია.