დღეს, 10 ივლისს, თბილისის საქალაქო სასამართლოს მოსამართლემ, ირაკლი ჩიკაშუამ ლაზარე გრიგორიადისი 2 300 ლარით დააჯარიმა.

გრიგორიადისი 14 მაისს, რუსული კანონის საპროტესტო აქციაზე, წვრილმანი ხულიგნობისა და პოლიციისთვის დაუმორჩილებლობის ბრალდებით დააკავეს.

მსგავსი: ლაზარე გრიგორიადისი, რომელიც 14 მაისს, რუსული კანონის საპროტესტო აქციაზე დააკავეს, გაათავისუფლეს

14 მაისს, ლაზარეს ადვოკატმა, ეკა ქობესაშვილმა On.ge-ის უთხრა, რომ დაკავების დროს, პოლიციის მხრიდან ადგილი ჰქონდა ფიზიკურ ანგარიშსწორებას და ლაზარეს სახისა და თავის არეში დაზიანებები აღენიშნებოდა.

"ხელბორკილების მოჭერის შედეგად, ხელები აქვს დაზიანებული. სხეულის სხვადასხვა არეში ტკივილები აქვს. დაკავებისას, ცემის დროს, რაღაც მომენტში, გონება დაკარგა", — თქვა ქობესაშვილმა.

გაიგე მეტი: "შევხვდით დაკავებულ 16 პირს, სამი პოლიციის მხრიდან ძალის გადამეტებაზე მიუთითებს, მათ შორის ლაზარე გრიგორიადისიც" — სახალხო დამცველის აპარატი