ვენესუელაში ორი ოპოზიციონერი აქტივისტი მოკლეს. მკვლელობები რეფერენდუმის წინა დღეს, ადგილობრივი დროით 22 საათზე მოხდა. ამის შესახებ ინფრომაციას BBC ავრცელებს.

გამოცემის ინფომრაციით, მოკლულიდან ერთ-ერთი ოპოზიციური პარტიის ლიდერი, 39 წლის ხოსე ფელიქს პინედაა, მეორე კი - პარტია დემოკრატიული მოძრაობის ლიდერი, რიკარდო კამპოსი. ოპოზიციონერი აქტივისტების სიკვდილი ვენესუელის მინისტრთა კაბინეტის წევრებმაც დაადასტურეს.

ვენესუელაში ბოლო თვეების განმავლობაში მძიმე პოლიტიკური და ეკონომიკური კრიზისია. 2017 წლის დასაწყისიდან დიდი ანტისამთავრობო საპროტესტო აქციები თითქმის ყოველდღიურად იმართება. თითქმის ყოველი აქცია პოლიციასთან შეტაკებით მთავრდება.

ქვეყნის პარლამენტში უმრავლესობა ოპოზიციამ მოიპოვა და პრეზიდენტ მადუროს უნდობლობა გამოუცხადა, თუმცა მადუროს მიერ კონტროლირებადმა უმაღლესმა სასამართლომ გადაწყვეტილება დაბლოკა.

რეფერენდუმი მადუროს ინიციატივით ტარდება და მიზნად ისახავს ქვეყნის პარლამენტის როგორც საკანონმდებლო ორგანოს დაშლას და სანაცვლოდ ახალი წარმომადგენლობითი ორგანოს „საკონსტიტუციო ანსამბლეის“ შექმნას, რომლის დაკომპლექტების უფლება მხოლოდ პრეზიდენტ მადუროს ექნება.

2017 წლის თებერვლიდან პოლიციასთან შეტაკებებისას დაღუპულია 100-ზე მეტია ადამიანი დაპატიმრებულია 4 ათასამდე.

ოპოზიციის განცხადებით, ჩანიშნული რეფერენდუმი ძალაუფლების უზურპაციის მცდელობაა და პრეზიდენტს მადუროს არანაირი ლეგიტიმაცია არა აქვს მის ჩასატარებლად.

ქვეყნის პრეზიდენტის და მისი მომხრეების განცხადებით, აღნიშნული რეფერენდუმი ერთადერთი საშუალებაა პოლიტიკური კრიზისის დასაძლევად და აღნიშნულ პროცესს ალტერნატივა არ გააჩნია.