57 წლის გიორგი გახელაძე, რომელსაც ოჯახი, პოლიცია და მოხალისეები 6 დღის განმავლობაში ეძებდნენ, გარდაცვლილი იპოვეს.

ინფორმაციას მისი ცოლი, ირმა მალაციძე ავრცელებს.

მთავარი არხის ინფორმაციით, გიორგი გახელაძის ცხედარი კუს ტბის მიმდებარე ტერიტორიაზე იპოვეს.

დეტალები, ამ დროისთვის, უცნობია.

გიორგი გახელაძე განათლების საკითხების მკვლევარი და პროფესორი იყო.

ის ასწავლიდა ილიას სახელმწიფო უნივერსიტეტში.