მოკლედ: საერთაშორისო გამჭვირვალობა — საქართველოს (TI) ცნობით, აწარმოე საქართველოში დაფინანსებული კომპანიების სიას მალავს, რაც მათი შეფასებით, კორუფციის რისკებს ზრდის.

რა მოხდა: TI წერს, რომ 2024 წელს ორჯერ გამოითხოვა საჯარო ინფორმაცია სსიპ აწარმოე საქართველოდან 2021-2023 წლებში დაფინანსებული საწარმოების შესახებ, მაგრამ საჭირო ინფორმაცია ვერ მიიღო:

  • "კორუფციული რისკების მონიტორინგისთვის, მნიშვნელოვანია, ვიცოდეთ, რომელი საწარმოები დაფინანსდა სახელმწიფო ბიუჯეტიდან".
  • TI-ის მიერ გაგზავნილ პირველ წერილზე, სადაც ის დაფინანსებული საწარმოების ჩამონათვალს და გაცემულ თანხას ითხოვდა, პასუხად კომპანიების ჯამური რაოდენობები და ჯამური თანხები მიიღო: "ეს ინფორმაცია ისედაც ხელმისაწვდომია სახელმწიფო ბიუჯეტის ღია წყაროებიდან", — წერს TI.
  • მისივე თქმით, მეორე წერილი, ანალოგიური მოთხოვნით, 2024წლის 23 აპრილს მიწერეს, თუმცა, პასუხი დღემდე არ მიუღიათ.

საერთაშორისო გამჭვირვალობა — საქართველო აღნიშნავს, რომ 2021 წლამდე აწარმოე საქართველოს დაფინანსებული საწარმოების მათთვის ჩვენთვის ხელმისაწვდომი იყო და ინფორმაციის გაცემა 2021 წლიდან შეწყდა.

  • ხოლო სახელმწიფო ბიუჯეტში მოცემული ინფორმაციის თანახმად, 2021-2023 წლებში მეწარმეობის განვითარების პროგრამიდან, რომელსაც სსიპ აწარმოე საქართველოში ახორციელებს, 625 მლნ ლარი დაიხარჯა.
  • "უცნობია ეს თანხა ვინ მიიღო. 2024 წელს მეწარმეობის განვითარებაზე 300 მლნ ლარია გამოყოფილი", — აცხადებს TI.