რა ხდება: ევროკომისიის პრეზიდენტი, ურსულა ფონ დერ ლაიენი X-ზე წერს, რომ კომისია განიხილავს ყველა ვარიანტს, საქართველოსთან მიმართებით.

  • მანამდე, ამის შესახებ აღნიშნული იყო წერილში, რომელიც ევროკომისიისა და ევროკავშირის უმაღლესი წარმომადგენლის ჯოზეფ ბორელის სახელით გავრცელდა.

დეტალები: ფონ დერ ლაიენი აღნიშნავს, რომ ქართველ ხალხს სურს ევროკავშირში გაწევრიანება, თუმცა კანონი ეწინააღმდეგება ევროკავშირის ძირითად პრინციპებს და ღირებულებებს, რაც უარყოფითად აისახება საქართველოს ევროკავშირის გზაზე.

  • "ჩვენ განვიხილავთ ყველა ვარიანტს და მოვუწოდებთ მთავრობას, დაუბრუნდეს ევროკავშირისკენ მისწრაფებებს", — წერს ევროკომისიის პრეზიდენტი.

ბოლო ხაზი: საქართველოს საპარლამენტო უმრავლესობამ დღეს დაძლია პრეზიდენტ სალომე ზურაბიშვილის ვეტო და დაამტკიცა რუსული კანონი.

ასევე, ნახეთ: ვინ დაუჭირა და ვინ არა მხარი რუსულ კანონს — დეპუტატების სია