რა ხდება: მას შემდეგ, რაც ქართული ოცნების დეპუტატებმა, რუსულ კანონზე პრეზიდენტის ვეტო დაძლიეს და პარლამენტის შენობა დატოვეს, ერთ-ერთმა მოქალაქემ მათ სიტყვიერი შეურაცხყოფა მიაყენა, რა დროსაც დეპუტატი, ვიქტორ ჯაფარიძე, მანქანიდან გადმოვიდა, მარკეტიდან ფორთოხალი აიღო და მოქალაქეს ესროლა.

  • ვიდეო ფეისბუქზე გაავრცელა ნიკა მელიამ, პარტია ახლის ერთ-ერთმა ლიდერმა.

ამ თემაზე: ვინ დაუჭირა და ვინ არა მხარი რუსულ კანონს — დეპუტატების სია

წინაისტორია: დღეს, 28 მაისს, საპარლამენტო უმრავლესობამ, პრეზიდენტ სალომე ზურაბიშვილის ვეტო რუსულ კანონზე, დაძლია.

  • პრეზიდენტის მოტივირებულ შენიშვნებს არცერთი მხარდამჭერი არ ჰყავდა, წინააღმდეგი იყო 66 დეპუტატი.
  • კანონის თავდაპირველ ვერსიას მხარი დაუჭირა 84-მა დეპუტატმა, 4-ის წინააღმდეგ.
  • ვეტოს დაძლევის შემდეგ, რუსული კანონის მხარდამჭერმა დეპუტატებმა პარლამენტის შენობა დატოვეს.
  • დღეს, დილიდან, პარლამენტთან შეკრებილები არიან რუსული კანონის საპროტესტო აქციის მონაწილეები.
  • ამ წუთებში, პარლამენტის მიმდებარე ტერიტორიაზე საპოლიციო ძალებია მობილიზებული.
  • თავისუფლების მოედანზე კი მობილიზებულია სპეცრაზმი და წყლის ჭავლის მანქანა.