მოკლედ: ხვალ, 14 მაისს, 14:00 საათზე, ივანე მაჩაბლის ქუჩა 13-თან (მწერალთა სახლი), რუსული კანონის საწინააღმდეგოდ, კულტურის მარში გაიმართება.

  • მარშის ორგანიზატორები არიან პლატფორმა მოძრაობა და საქართველოს პენცენტრი, რომელიც 70-ზე მეტ ქართველ მწერალს აერთიანებს.

დეტალები: მწერლები, მთარგმნელები, გამომცემლები, ხელოვანები, მხატვრები, კინოს, თეატრსა და მუზეუმებში მომუშავე ადამიანები, კულტურის სფეროს ყველა წარმომადგენლები გაერთიანდებიან და თბილისის ქუჩებში მსვლელობას მოაწყობენ:

  • "თუ გაღელვებს რუსული კანონი და სხვა კანონები, რომლებიც შეზღუდავს სიტყვისა და გამოხატვის თავისუფლებას, გადააქცევს ქვეყანას "ოფშორული ფულის" თავშესაფრად და დაუხშობს საქართველოს ევროპაში გაერთიანების გზას — შემოგვიერთდი!".

კონტექსტი: ხელისუფლების დაჟინებულ სურვილს, მიიღოს რუსული კანონი, ხალხი მრავალათასიანი საპროტესტო აქციებით ეწინააღმდეგება თბილისსა და საქართველოს სხვა ქალაქებში. პერიოდულად, ხელისუფლება იყენებს ძალას მშვიდობიანი დემონსტრანტების წინააღმდეგ.

  • 13 მაისის მონაცემებით, რუსული კანონის საწინააღმდეგოდ, 30-ზე მეტი უნივერსიტეტია გაფიცული.

ბოლო ხაზი: დღეს, 13 მაისს, იურიდიულ საკითხთა კომიტეტის სხდომაზე რუსული კანონი მესამე მოსმენით, სხდომის დაწყებიდან 1 წუთში მიიღეს.

პლენარულ სხდომაზე საკითხი ბოლო, მესამე მოსმენით ხვალ, 14 მაისს გავა.