რა ხდება: ინფორმაციას, რომ დღეს თბილისის სკოლებსა და სავაჭრო ცენტრებზე თავდასხმა იგეგმება, სახელმწიფო უსაფრთხოების სამსახური და შინაგან საქმეთა სამინისტრო სწავლობენ.

  • ინფორმაციას ინტერპრესნიუსი ავრცელებს.

დეტალები: ტელეგრამ არხებზე ვრცელდება ინფორმაცია, რომ თბილისის რამდენიმე სკოლასა და სავაჭრო ცენტრზე თავდასხმა იგეგმება.

პოსტები რუსულ ენაზეა დაწერილი.

ტექსტში ვკითხულობთ:

  • "ამ სკოლებში ბავშვებს გავუხსნით ცეცხლს.
  • ჩვენ ოცნი ვართ, არ გვეშინია, პოლიცია ჩვენს დაკავებას ვერ შეძლებს".

სახელმწიფო უსაფრთხოების სამსახურსა და შსს-ში ამბობენ, რომ ახორციელებენ პროტოკოლით გათვალისწინებულ ყველა გადაუდებელ და საჭირო ღონისძიებას.

  • რადიო თავისუფლებას სუს-ში უთხრეს, რომ ამ დროისათვის აღმოჩენილი არაფერია.

დამატებითი ინფორმაციის მიღებისთანავე, ამბავი განახლდება.