რა ხდება: ევროკავშირის წევრი სახელმწიფოების წარმომადგენლები ერთობლივ ვიდეომიმართვაში საუბრობენ საკუთარ გამოცდილებაზე, თუ რას ნიშნავს მათთვის, იყო ევროკავშირის ოჯახის წევრი.

  • პაველ ჰერჩინსკი, ევროკავშირის ელჩი საქართველოში, მოუწოდებს მოქალაქეებს, შეუერთდნენ ევროპის დღის აღნიშვნას 11 მაისს, ექსპო ჯორჯიაში.

დეტალები: ვიდეოში, დიპლომატები მოკლედ საუბრობენ იმის შესახებ, თუ რა შესაძლებლობების მომტანი აღმოჩნდა ევროკავშირში გაერთიანება მათი ქვეყნებისთვის. მათ შორის, ისინი გამოყოფენ:

  • მშვიდობის, თავისუფლების, უსაფრთხოების, კეთილდღეობისა და გავლენის უზრუნველყოფას;
  • შესაძლებლობებს ახალგაზრდა თაობისთვის, რამდენადაც ევროკავშირის წევრობა არის თანამეგობრობის ნებისმიერ ქვეყანაში მოგზაურობის, მუშაობის და სწავლის თავისუფლება;
  • ეკონომიკისა და სოციალური გარემოს უზრუნველყოფას;
  • ქვეყნის მთლიანი შიდა პროდუქტის ზრდას, ფინანსურ სტაბილურობას.