მოკლედ: ქართული ოცნების დეპუტატმა ბექა ოდიშარიამ პარლამენტში, პლენარულ სხდომაზე სექსისტური განცხადება გააკეთა — მან ლელოს დეპუტატს ანა ნაცვლიშვილს მიმართა, რომ "გაუფრთხილდეს ქალის მანდილის ღირსებას".

  • "ქალბატონო ანა, დაანებეთ ამ მასწავლებლობას თავი რა, სანამ ჩვენ ზრდილობაზე დაიწყებთ რამე აზრების გამოთქმას, თქვენს ზრდილობას მიხედეთ რა! ქალი ხართ და არ გეკადრებათ, გაუფრთხილდით მანდილის ღირსებას, რა!", — თქვა ოდიშარიამ.

კონტექსტი: ანა ნაცვლიშვილმა პლენარული სხდომის დროს, სადაც მინისტრის საათის ფარგლებში შს მინისტრს, ვახტანგ გომელაურს უსმენენ, ხმაური გააპროტესტა. მან პარლამენტის თავმჯდომარე შალვა პაპუაშვილს მოუწოდა, დარბაზში სიჩუმე შეენარჩუნებინა და უმრავლესობის წევრებისთვის მოეწოდებინა, პატივი ეცათ ტრიბუნასთან გამომსვლელებისთვის.

  • "ბატონო შალვა, სხდომათა დარბაზში საშინელი ხმაურია. იქნებ თქვენივე უმრავლესობის წევრებს მაინც მოუწოდოთ, რომ გუნდის წევრსა და ვიცე-სპიკერს პატივი სცენ, როდესაც ის ტრიბუნასთან დგას და მოუსმინონ", — მიმართა ნაცვლიშვილმა პაპუაშვილს.
  • პაპუაშვილმა სხდომაზე მყოფებს გამომსვლელისთვის მოსმენისაკენ მოუწოდა, რის შემდეგაც ბექა ოდიშარიამ ნაცვლიშვილს სექსისტური წინადადებით მიმართა.

მსგავსი: მკვლელობები შემცირდა, ნარკოდანაშაულის გამოვლენის მაჩვენებელი გაიზარდა — გომელაური