რა ხდება: რამდენიმე წუთში გახდება ცნობილი, რა ფორმით შედგება ნიკა გვარამიას და ნიკა მელიას ერთობა.

  • ისინი 15 საათზე, სასტუმრო შერატონში ერთობლივ ბრიფინგს გამართავენ.
  • მელია და გვარამია ადგილზე უკვე მივიდნენ, თუმცა მედიასთან კომენტარი არ გაუკეთებიათ.

დეტალები: ნაცმოძრაობის ყოფილი ლიდერსა და გვარამიას შორის დღეს შეხვედრა გაიმართა.

  • სწორედ ბრიფინგზე გახდება ცნობილი, რაზე შეთანხმდნენ.
  • მელია და მისი გუნდი არჩევნებში მონაწილეობას 4 ნომრით მიიღებენ.

"2024 წლის არჩევნებზე აუცილებლად მოხდება გარდამტეხი ცვლილებები ქვეყნის და ხალხის ინტერესების შესაბამისად! ყველანი ერთად გადავდგამთ დიდ ნაბიჯს წინ მომავლისკენ და ამ ნაბიჯს ექნება თავისი სიმბოლო — ნომერი 4.

მჯერა, რომ ოთხიანი უახლოეს მომავალში, გახდება ბრძოლისა და გამარჯვების, წარმატებისა და პროგრესის სიმბოლო, რომელიც დიდი ხნით დაიმკვიდრებს თავს ქართულ პოლიტიკურ სივრცეში", — განაცხადა მელიამ 5 მარტს.

  • რაც შეეხება ნიკა გვარამიას, ის უკვე რამდენიმე თვეა აქტიურად არის ჩართული პარტია ახალის დაკომპლექტებაში.

განახლება: ჩვენი პარტია არის "ახალი", ჩვენ ვართ ერთად — ნიკა მელია და ნიკა გვარამია გაერთიანდნენ