რა ხდება: ჯანდაცვის ყოფილი მინისტრი, ზურაბ აზარაშვილი, რომელმაც თანამდებობა 1 მარტს დატოვა, ამბობს, რომ გამოვლენილია ფაქტები, როდესაც საქართველოში "საეჭვო ქვეყნიდან" შემოჰქონდათ დაურეგისტრირებელი, საეჭვო წარმომავლობის ათასობით ცალი ონკოლოგიური მედიკამენტი.

  • მისი თქმით, სქემაში მინიმუმ 60 ონკოლოგია ჩართული.

დეტალები: როგორც აზარაშვილი ფეისბუქპოსტში წერს, ამ ონკოლოგების მიერ გამოწერილი ფორმა 100-ის საფუძველზე, მილიონობით ლარის დაფინანსების მოთხოვნა შედიოდა როგორც სამინისტროში, ასევე მუნიციპალიტეტებში.

  • ონკოლოგიურ პაციენტებს კი გაურკვეველი წარმოშობის წამალს უნიშნავდნენ.
  • "ამ საკითხის შესაბამისი შუალედური განხილვა უკვე მოხდა პროფესიულ საბჭოზე და საქმის მასალები გადაგზავნილია სამართალდამცავ სტრუქტურებში. სწორედ ამ და სხვა საფუძვლიანი მიზეზების გამოა, რომ ვერ ხერხდება პაციენტზე ონკოლოგიისთვის დადგენილი ლიმიტის გაუქმება, ხოლო ონკოლოგიის ადრეული დიაგნოსტიკა საპილოტედ მხოლოდ სახელმწიფო კლინიკებში იწყება", — წერს ზურაბ აზარაშვილი.

მსგავსი: "მინდა ვიცოცხლო" — ონკოპაციენტებმა პარლამენტთან აქცია გამართეს

ბოლო ხაზი: ამავე პოსტში ის საუბრობს საკუთარ მიღწევებზე, რომელთა შორის არის

  • თურქეთიდან იაფი მედიკამენტების შემოტანის გადაწყვეტილება;
  • ონკოპაციენტი ბავშვების საზღვარგარეთ მკურნალობის შესაძლებლობა;
  • დიალიზის სერვისზე ხელმისაწვდომობის გაზრდა.

"ყოველთვის ვფიქრობდი, რამდენი ძალა, რამდენი სიმართლე იყო ასეთი ჩვენი გადაწყვეტილებების უკან, როცა მძლავრი დაჯგუფებების ბიზნესინტერესების მიუხედავად, 2 წლის მანძილზე ვინარჩუნებდი პოსტს, დღეს კი ღირსეულად, ამაყმა დავტოვე დროებითი თანამდებობა", — წერს აზარაშვილი.

ასევე ნახეთ: კობახიძის განმარტება მინისტრის გადაყენების შესახებ — "ვხედავდი პრობლემებს მართვის კომუნიკაციის კუთხით"