ახლახან CNN-მა 50 საუკეთესო პურის სია გამოაქვეყნა, რომელშიც აჭარული ხაჭაპურიც მოხვდა. სიაში მსოფლიოს ქვეყნებიდან სხვადასხვა პურია წარმოდგენილი, რომელთა შორისაა სომხური ლავაშიც.

"ახალი იმერული ყველითა და სულგუნით გაჟღენთილი ხაჭაპური ერთ-ერთი გამორჩეული ქართული კერძია", — ვკითხულობთ CNN-ის სტატიაში, სადაც ასევე აღწერილია აჭარული ხაჭაპურის მომზადების წესიც. სტატიაში ისიც აღნიშნულია, რომ საქართველოში ეკონომიკურ კეთილდღეობას ხაჭაპურის ინდექსითაც კი ზომავენ, რადგან ის ქართული სამზარეულოს წამყვანი კერძია.

შეგახსენებთ, რომ 2019 წელს საქართველოს კულტურული მემკვიდრეობის დაცვის ეროვნულმა სააგენტომ "ხაჭაპურის ტრადიციას საქართველოში" არამატერიალური კულტურული მემკვიდრეობის ძეგლის სტატუსი მიანიჭა.